പൊന്നാനിയില്‍ ലഹരിമരുന്ന് കടത്തുന്നതിനിടെ പോലീസ് സംഘത്തെ ആക്രമിച്ച് രക്ഷപ്പെട്ട കേസിലെ മുഖ്യ പ്രതി 100 ഗ്രാം എംഡിഎംഎ യുമായി തൃശൂരിൽ പിടിയിലായി.പൊന്നാനി മുല്ല റോഡ് സ്വദേശി മോയൻ്റെകത്ത് ഫിറോസ് (31)എന്ന പൊടി ഫിറോസിനെയാണ് തൃശ്ശൂർ റൂറൽ ജില്ലാ പോലീസ് മേധാവി ബി കൃഷ്ണകുമാർ ഐ പി എസ് ന്റെ നേതൃത്വത്തിൽ ഉള്ള ഡാൻസാഫ് സംഘം പിടികൂടിയത്.
ആഡംബര കാറിൽ ബാംഗ്ലൂരിൽ നിന്നും വലിയ അളവിൽ ലഹരിഎത്തിച്ച് പൊന്നാനി,വെളിയങ്കോട് പ്രദേശങ്ങളില്‍ വിൽപന നടത്തുന്ന സംഘത്തെക്കുറിച്ച് പൊന്നാനി പോലീസിന് ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ പൊന്നാനി പോലിസ് ഈ സംഘത്തെ നിരീക്ഷിച്ചു വരുന്നതിനിടെയാണ് കഴിഞ്ഞ ഡിസംബറിൽ ബാംഗ്ലൂരിൽ നിന്നും കൊണ്ട് വന്ന മയക്കു മരുന്ന് പിടികൂടാൻ പൊന്നാനി എസ്.ഐ അരുൺ. ആർ .യു. വിൻ്റെനേതൃത്വത്തിൽ വാഹന പരിശോധന നടത്തിയത്.പൊന്നാനി ആനപടി പാലത്തിന് സമീപം പോലിസ് പരിശോധന കണ്ട് 4 പേര് അടങ്ങിയ ലഹരി കടത്ത് സംഘം വാഹനം വെട്ടിച്ച് രക്ഷപ്പെടുകയായിരുന്നു. തടയാൻ ശ്രമിച്ച എസ്.ഐയെ ഇടിച്ച് പരിക്കേൽപ്പിക്കുകയും സ്റ്റേഷൻ ജീപ്പിൽ ഇടിപ്പിച്ച ശേഷം നിർത്താതെ പോവുകയും ചെയ്തു.സംഘത്തെ ജീപ്പിലൂം ബൈകിലുമായി പോലീസ് പിന്തുടർന്നെങ്കിലും വെളിയങ്കോട് പഴഞ്ഞി പാലത്തിന് സമീപം വാഹനം ഒളിപ്പിച്ച സംഘം ഓടി രക്ഷപ്പെടുകയായിരുന്നു.തുടര്‍ന്ന് പോലീസ് നടത്തിയ പരിശോധനയില്‍ വെളിയങ്കോട് വലിയകത്ത് പള്ളിയിൽ ഫിറോസ് (27)പൊന്നാനി തെകേപ്പുറം ചക്കരക്കാരന്റെ മുഹമ്മദ് റിയാസുദിൻ (24)എന്നീ രണ്ട് പ്രതികളെ പോലീസ് സംഭവ സ്ഥലത്ത് നിന്ന് തന്നെ ഓടിച്ചിട്ട് പിടികൂടുകയായിരുന്നു.
സംഭവത്തിലെ മുഖ്യ പ്രതി വെളിയങ്കോട് കൊളത്തേരി സാദിഖിൻ്റെ കറുത്ത ക്രേറ്റ കാർ തിരച്ചിലിന് ഒടുവിൽ സാദികിൻ്റെ ബന്ധു വീടിൻ്റെ പോർച്ചിൽ നിന്നും പോലീസ് കണ്ടെത്തി.കാറ് പരിശോധിച്ചതോടെ രഹസ്യ അറയിൽ സൃക്ഷിച്ച എംഡിഎംഎ യും പൊതിയാൻ ഉപയോഗിക്കുന്ന പ്ലാസ്റ്റിക് കവറും ഇലക്ട്രിക് തുലാസും ഇരുമ്പ് വടികൾ ഉൾപ്പടെയുള്ള ആയുധങ്ങളും പോലീസ് കണ്ടെടുത്തിയെങ്കിലുംമുഖ്യ പ്രതികളായ സാദിഖും ഫിറോസും മയക്ക് മരുന്നുമായി രക്ഷപെടുകയായിരുന്നു.രഖ്ഷപ്പെട്ട സാദിഖിനെ പിന്നീട് ചാവക്കാട് പോലിസിൻ്റെ സഹായത്തോടെ ചാവക്കാട് നിന്നും അറസ്റ്റ് ചെയ്യുകയും കാപ്പ ചുമത്തി ജയിലിൽ അടക്കുകയും ചെയ്തു.പിന്നീട് ഒളിവിൽ പോയ ഫിറോസ് തമിഴ്നാട്ടിലും മറ്റും ഒളിവിൽ കഴിഞ്ഞ ശേഷം ഇരിങ്ങാലക്കുടയിലെ പെൺ സുഹൃത്തിൻ്റെ കൂടെ കഴിഞ്ഞു വരികയായിരുന്നു.കഴിഞ്ഞ വർഷം ലഹരി വിൽപന ചോദ്യം ചെയ്തതിൽ പഴഞ്ഞി സ്വദേശിയെ മാരകായുധങ്ങൾ ഉപയോഗിച്ച് ആക്രമിച്ച് പരിക്കേൽപിക്കുകയും കൊല്ലാൻ ശ്രമിക്കുകയും ചെയ്ത കേസിലെ പ്രതികളാണ് ഇരുവരും.ഫിറോസിനെതിരെ ഇരിങ്ങാലക്കുട പോലീസ് സ്റ്റേഷനിൽ കേസെടുത്തു.നടപടിക്രമങ്ങൾക്ക് ശേഷം കോടതിയിൽ ഹാജരാക്കും.തൃശ്ശൂരിലെ വിദ്യാഭ്യാസ സ്ഥാപനങ്ങളും ബസ് സ്റ്റാൻഡുകളും കേന്ദ്രീകരിച്ച് മലപ്പുറം പൊന്നാനി സ്വദേശിയായ ഒരാൾ മാരക മയക്കുമരുന്നുകൾ വിൽക്കാൻ ശ്രമിക്കുന്നുണ്ടെന്ന രഹസ്യവിവരം മാസങ്ങൾക്ക് മുൻപേ തൃശ്ശൂർ റൂറൽ ജില്ലാ പോലീസ് മേധാവി ബി. കൃഷ്ണകുമാർ ഐ.പി.എസ്സിന് ലഭിച്ചതിനെ തുടർന്ന് ഇതിനെക്കുറിച്ച് അന്വേഷിക്കുന്നതിനായി ഡാൻസാഫ് സംഘത്തെ ചുമതലപ്പെടുത്തുകയായിരുന്നു.ലഹരി മാഫിയയിലെ പ്രധാന കണ്ണിയാണ് ഫിറോസെന്ന് ഉദ്ധ്യോഗസ്ഥര്‍ പറഞ്ഞു. പോലീസിന് പിടികൊടുക്കാതെ തമിഴ്നാട്ടിലും കേരളത്തിലെ വിവിധ ഭാഗങ്ങളിലുമായി ഒളിച്ചു കഴിയുകയായിരുന്നു ഇയാൾ.കോണത്തുകുന്നിലുള്ള ഒരു സ്ത്രീയുമായി അടുപ്പമുള്ള ഫിറോസ് ഇരിങ്ങാലക്കുടയിൽ വരുന്നതായുള്ള കൃത്യമായ വിവരം തൃശ്ശൂർ റൂറൽതൃശ്ശൂർ റൂറൽ ജില്ലാ പോലീസ് മേധാവി ബി. കൃഷ്ണകുമാർ ഐ.പി.എസ്സിന് ലഭിച്ചതിൻ്റെ അടിസ്ഥാനത്തിൽ ഫിറോസിനെ പിടികൂടുന്നതിനായി ഇരിങ്ങാലക്കുട കേന്ദ്രീകരിച്ച് ശക്തമായ പരിശോധനകൾ നടത്തിവരവെയാണ് ബുധനാഴ്ച പുലർച്ചെ ഇരിഞ്ഞാലക്കുട പ്രൈവറ്റ് ബസ് സ്റ്റാൻഡിന് സമീപം വെച്ച് കൈവശമുണ്ടായിരുന്ന 108.330 ഗ്രാം എംഡിഎംഎ -യുമായി ഫിറോസിനെ അറസ്റ്റ് ചെയ്തത്.
