ആനക്കര: ക്ലാസിലെ അധ്യാപികമാരുടെ ചിത്രം വരച്ച് കഴിവ് തെളിയിച്ച് നാല് വയസുകാരി ശ്രദ്ധനേടി. മേപ്പാടം പള്ളിയാലിൽ മുസ്തഫ – അസ്മ ദമ്പതികളുടെ മകളും ആനക്കര സ്വാമിനാഥ ഡയറ്റ് ലാബ് സ്കൂളിലെ യു.കെ.ജി വിദ്യാർത്ഥിനിയായ ഹാദിയയാണ് (4) അധ്യാപികമാരായ ആതിരയും കൃപയും എന്നിവരുടെ രേഖാചിത്രം പെൻസിൽ ഉപയോഗിച്ച് വരച്ച് വാട്സ്ആപ്പിൽ അയച്ചത്.
മൂത്ത സഹോദരി ഹനീനയുടെ പ്രോത്സാഹനമാണ് ഹാദിയയെ ചിത്രരചനയിലേക്ക് ആകർഷിച്ചത്. ഹനീനയും നിരവധി ചിത്രങ്ങൾ വരയ്ക്കുകയും സ്കൂൾതല മത്സരങ്ങളിൽ പങ്കെടുക്കുകയും ചെയ്തിട്ടുണ്ട്. ഹനീന ആനക്കര ഗവ. ഹയർസെക്കൻഡറി സ്കൂളിലെ പ്ലസ് ടു വിദ്യാർത്ഥിനിയാണ്. ആഫീഫയും ആമീനും ഹാദിയയുടെ മറ്റ് സഹോദരങ്ങളാണ്.
