ആലംകോട് പഞ്ചായത്തില്‍ വ്യാപകമായ കുടിവെള്ള പദ്ധതികളുമായി വെൽഫയർ പാർട്ടി

ചങ്ങരംകുളം:ആലങ്കോട് പഞ്ചായത്തിൽ രൂക്ഷമായ ജലക്ഷാമമനുഭവിക്കുന്ന പ്രദേശങ്ങളിലുൾപ്പെടെ വ്യാപകമായി കുടിവെള്ള പദ്ധതികള്‍ക്ക് തുടക്കം കുറിച്ച് വെൽഫയർ പാർട്ടി.വിവിധയിടങ്ങളിലായി ഇതിനകം അഞ്ച് പദ്ധതികൾക്കാണ് തുടക്കം കുറിച്ചത്.ഓരോ കുടിവെള്ള പദ്ധതിയും പരിസരവാസികളായ നൂറ് കണക്കിനാളുകൾക്കാണ് പ്രയോജനപ്പെടുന്നത്.ജനങ്ങളുടെ അടിസ്ഥാനാവശ്യമായ കുടിവെള്ള ലഭ്യത ഉറപ്പു വരുത്തുക എന്ന ക്ഷേമ രാഷ്ട്ര സങ്കൽപത്തിന്റെ പ്രഖ്യാപിതലക്ഷ്യ നിർവഹണത്തിന്റെ ഭാഗമാണിതെന്നും ആവശ്യമായേടത്ത് ഇനിയുമിത്തരം പദ്ധതികൾക്ക് തുടക്കം കുറിക്കുമെന്നും, പാർട്ടി പഞ്ചായത്ത് പ്രസിഡണ്ട്, ഇ.വി. മുജീബ് പറഞ്ഞു.