വെളിയങ്കോട് തെരുവ് നായ ആക്രമം: 3 വിദ്യാർത്ഥികൾക്ക് പരിക്ക്

വെളിയങ്കോട്:തെരുവ് നായകളുടെ അക്രമത്തിൽ മൂന്ന് വിദ്യാർത്ഥികൾക്ക് പരിക്കേറ്റു.വെളിയങ്കോട് ഗ്രാമത്തിൽ മദ്രസയിൽ പോവുകയായിരുന്ന വിദ്യാർത്ഥികളെയാണ് നായക്കൂട്ടം ആക്രമിച്ചത്. അറക്കൽ അണ്ടി പാട്ടിൽ ഇഖ്ബാലിൻ്റെ മകൻ മുഹമ്മദ് ഇസാൻ (5) പൂക്കയിൽ ഹക്കീമിന്റെ മകൾ ആയിഷ ജെന്ന (7) ഷാഫിയുടെ മകൻ മബ്റൂക് (14) എന്നീ കുട്ടികൾക് നേരെയാണ് അക്രമം ഉണ്ടായത്. പരിക്ക് പറ്റിയ വിദ്യാർത്ഥികളെ പൊന്നാനി താലൂക്ക് ആശുപത്രിയിൽ പ്രവേശിപ്പിച്ചു.തെരുവ് നായ കളുടെ ശല്യം കാരണം വിദ്യാർത്ഥികൾക്ക് മദ്രസ്സയിലും സ്കൂളിലും പോകാൻ പറ്റാത്ത അവസ്ഥയാണുള്ളത്.വർദ്ധിച്ച് വരുന്ന തെരുവ് നായകളുടെ അക്രമത്തിൽ ജനങ്ങൾ പരിഭ്രാന്തരാണ്.തദ്ദേശസ്ഥാപനങ്ങളുടെ ഇടപെടൽ ഉണ്ടാകണമെന്നാണ് ജനങ്ങൾ ആവശ്യപ്പെടുന്നത്.