ചങ്ങരംകുളത്ത് ബൈക്ക് യാത്രികനെ ഇടിച്ചിട്ട് നിര്‍ത്താതെ പോയ കാര്‍ നാട്ടുകാര്‍ പിന്തുടര്‍ന്ന് പിടികൂടി.ബൈക്ക് യാത്രികന് ഗുരുതര പരിക്ക്

ചങ്ങരംകുളത്ത് ബൈക്ക് യാത്രികനെ ഇടിച്ചിട്ട് നിര്‍ത്താതെ പോയ കാര്‍ നാട്ടുകാര്‍ പിന്തുടര്‍ന്ന് പിടികൂടി.അപകടത്തില്‍ ഗുരുതമായി പരിക്കേറ്റ ബൈക്ക് യാത്രികനെ തൃശ്ശൂര്‍ മെഡിക്കല്‍ കോളേജില്‍ പ്രവേശിപ്പിച്ചു..ചങ്ങരംകുളത്ത് തീയറ്റര്‍ ജീവനക്കാരനായ കക്കിടിപ്പുറം സ്വദേശി അശോകന്‍(45)നാണ് പരിക്കേറ്റത്.സംസ്ഥാന പാതയില്‍ ചങ്ങരംകുളം സണ്‍റൈസ് ആശുപത്രിക്ക് സമീപത്ത് തിങ്കളാഴ്ച രാത്രി പതിനൊന്നരയോടെയാണ് അപകടം. ചങ്ങരംകുളം ടൗണില്‍ നിന്ന് തൃശ്ശൂര്‍ റോഡിലേക്ക് അമിത വേഗതയില്‍ വന്ന കാര്‍ അശോകന്‍ സഞ്ചരിച്ച ബൈക്കില്‍ ഇടിച്ച് നിര്‍ത്താതെ പോകുകയായിരുന്നു.സംഭവം കണ്ട യുവാവ് കാറുമായി അര കിലോമീറ്ററോളം പുറകെ പോയി അപകടം വരുത്തിയ കാര്‍ തടഞ്ഞിടുകയായിരുന്നു.തുടര്‍ന്ന് സംഭവ സ്ഥലത്ത് എത്തിയ ചങ്ങരംകുളം പോലീസ് നാട്ടിക സ്വദേശയായ യുവാവിനെയും കാറും കസ്റ്റഡിയില്‍ എടുത്തു.കാര്‍ ഓടിച്ചിരുന്ന യുവാവ് മദ്യ ലഹരിയിലായിരുന്നുവെന്നാണ് നാട്ടുകാര്‍ നല്‍കുന്ന വിവരം