സംസ്ഥാന ഗവർണ്ണർ രാജേന്ദ്ര ആർലേക്കർക്കെതിരായ പ്രതിഷേധം ശക്തമാക്കി വിദ്യാർത്ഥി സംഘടനകള്‍. കേരള യൂണിവേഴ്‌സിറ്റി സെനറ്റ് ഹാളിൽ നടന്ന പരിപാടിയില്‍ ആർ എസ് എസിന്റെ ഭാരതാംബ ചിത്രം ഉപയോഗിച്ചതിനെതിരെ വലിയ പ്രതിഷേധമാണ് എസ് എഫ് ഐ, കെ എസ് യു തുടങ്ങിയ വിദ്യാർത്ഥി സംഘടനകള്‍ നടത്തിയത്.വിദ്യാലയങ്ങളേയും കാവിവത്കരിക്കാന്‍ ഗവർണ്ണർ നീക്കം നടത്തുന്നുവെന്ന് ആരോപിച്ച് വിദ്യാർത്ഥി സംഘടനകള്‍ ഇന്ന് സംസ്ഥാന വ്യാപകമായി പ്രതിഷേധങ്ങള്‍ക്ക് ആഹ്വാനം ചെയ്തു
സംസ്ഥാനതല പ്രതിഷേധ പരിപാടികളോടൊപ്പം തന്നെ വ്യാഴാഴ്ച തിരുവനന്തപുരം ജില്ലയില്‍ കെഎസ്‌യു വിദ്യാഭ്യാസബന്ദിന് ആഹ്വാനം ചെയ്തിട്ടുണ്ട്. കേരള സര്‍വകലാശാലയില്‍ ഗവര്‍ണര്‍ക്കെതിരേ പ്രതിഷേധിച്ച കെഎസ്‌യു ജില്ലാ പ്രസിഡന്റ് ഗോപു നെയ്യാര്‍ അടക്കമുള്ള കെ എസ് യു ഭാരവാഹികള്‍ക്കു നേരെയുണ്ടായ ആര്‍എസ് എസ് – യുവമോര്‍ച്ച ആക്രമണത്തില്‍ പ്രതിഷേധിച്ചാണ് വിദ്യാഭ്യാസ ബന്ദിന് അഹ്വാനം ചെയ്യുന്നതെന്ന് സംഘടനാച്ചുമതലയുള്ള ജില്ലാ ജനറല്‍ സെക്രട്ടറി അല്‍ സവാദ് വ്യക്തമാക്കി.
