ചങ്ങരംകുളം:ഹജ്ജ് ഉംറ തീർത്ഥാടകരുടെ സംഗമവും ഓൺലൈൻ പഠന ക്ലാസിൻ്റെ എട്ടാം വാർഷികവും ജൂൺ 28 ശനിയാഴ്‌ച കാലത്ത് 8:30 ന് ചങ്ങരംകുളം എഫ്എല്‍ജി കണ്‍വെന്‍ഷന്‍ സെന്ററില്‍ വച്ച് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.ചങ്ങരംകുളം കേന്ദ്രീകരിച്ച് പ്രവര്‍ത്തിക്കുന്ന ഹിബ ഹജ്ജ് & ഉംറ ഗ്രൂപ്പിന്റെ കീഴില്‍ രണ്ട് പതിറ്റാണ്ടായി ഹജ്ജും ഉംറയും നിര്‍വ്വഹിച്ച പതിനയ്യായിരത്തില്‍പരം വരുന്നവരുടെ സംഗമത്തിനാണ് ചങ്ങരംകുളം ഒരുങ്ങിയത്.പാണക്കാട് സയ്യിദ് ഹമീദലി ശിഹാബ് തങ്ങള്‍ സംഗമം ഉദ്ഘാടനം ചെയ്യും.യുവ പണ്ഡിതനും പ്രഭാഷകനുമായ സിന്‍സാറുല്‍ ഹഖ് ഹുദവി മുഖ്യപ്രഭാഷണം നടത്തും.
ഹമീദ് അലി ശിഹാബ് തങ്ങൾ, നാസർ ഹയ്യ് ശിഹാബ് തങ്ങൾ,സാബിഖലി ശിഹാബ് തങ്ങൾ,എംവി ഇസ്‌മായിൽ മുസ്‌ലിയാർ, എംപി അബ്ദു സമദ് സമദാനി എംപി, ഹംദുല്ല സഈദ്,സിംസാറുൽ ഹഖ് ഹുദവി, ഷമീർ ദാരിമി കൊല്ലം,ഡോക്ടര്‍ സാലിം ഫൈസി കൊളത്തൂർ,പി നന്ദകുമാർ എംഎല്‍എ ,ഉബൈദുള്ള എംഎല്‍എ,അനിൽ കുമാർ എംഎല്‍എ , ആലംകോട് ലീലാകൃഷ്‌ണൻ,അഷ്റഫ് കോക്കൂർ തുടങ്ങി പ്രമുഖരും പങ്കെടുക്കും.ചെയർമാൻ റഫീഖ് ഫൈസി തെങ്ങിൽ, ജനറൽ കൺവീനർ ഇബ്രാഹിം ഹാജി,മൂക്കുതല,ഹമീദ് ഹാജി പെരുമുക്ക്,ഉമ്മർ സാഹിബ് ഐനിച്ചോട്, ജംഷാദ് പന്താവൂർ മൻസൂർ ടിപ്പു നഗർ തുടങ്ങിയവർ വാർത്താസമ്മേളനത്തിൽ പങ്കെടുത്തു
