അസ്സബാഹ് കോളേജ് എന്‍ എസ് എസ് സപ്തദിന ക്യാമ്പ് സമാപിച്ചു

ചങ്ങരംകുളം:2024-25 വർഷത്തെ നാഷണൽ സർവീസ് സ്കീം അസ്സബാഹ് കോളേജ് യൂണിറ്റ് സപ്ത ദിന സഹവാസ ക്യാമ്പ് സമാപിച്ചു.അസ്സബാഹ് കോളേജ് പ്രിൻസിപ്പൽ മുഹമ്മദ്‌ കോയ എം.എൻ സമാപന സമ്മേളനം ഉദ്ഘടനം ചെയ്തു.കടവല്ലൂർ പഞ്ചായത്ത്‌ ഏഴാം വാർഡ് മെമ്പർ നിർമല എം.എൻ, ജി.യു.പി.എസ് കൊരട്ടിക്കര പ്രിൻസിപ്പൽ ഇൻചാർജ് പാർവതി, എൻ.എസ്. എസ് പ്രോഗ്രാം ഓഫിസർ അബ്ദുൽ റഹ്‌മാൻ പി, കോളേജ് വൈ. പ്രിൻസിപ്പാൾ ഡോ. ബൈജു എം.കെ, സ്റ്റുഡന്റ് അഡ്വൈസർ രാജേഷ് കണ്ണൻ പി.വി , വളണ്ടിയർ സെക്രട്ടറി ഫർഹാന, അലുംനി സെക്രട്ടറി റാഷിദ്‌ വിരളിപ്പുറത്ത്, എൻ.എസ്. എസ് അസിസ്റ്റന്റ് പ്രോഗ്രാം ഓഫീസർ ഷഫീക് നിലമ്പൂർ തുടങ്ങിയവർ സംസാരിച്ചു.ബി.കോം ട്രാവൽ ആൻഡ് ടൂറിസത്തിലെ മുഹമ്മദ്‌ ഷമീൽ,ഫുഡ്‌ ടെക്‌നോളജി വിദ്യാർത്ഥിനി ശ്രേയ ഇ.എസ് തുടങ്ങിയവർ ബെസ്റ്റ് ക്യാമ്പർമാരായി തിരഞ്ഞെടുക്കപ്പെട്ടു.യൂത്ത് ഫോർ മൈ ഭാരത്, യൂത്ത് ഫോർ സസ്റ്റൈനബിൾ ഡവലപ്മെന്റ് എന്ന പ്രമേയത്തിൽ കൊരട്ടിക്കര ജി യു പി സ്കൂളിൽ വെച്ച് നടന്ന ക്യാമ്പിൻ്റെ ഭാഗമായി സ്കൂൾ കോമ്പൗണ്ട് ബ്യൂട്ടിഫിക്കേഷൻ,റോഡ് സുരക്ഷ ബോധവൽക്കരണംകൊരട്ടിക്കര വിഷ്ണു ഭഗവതി ക്ഷേത്ര സമീപത്തെ കുളം തോട് നവീകരണം ,അടുക്കളതോട്ടംനിർമാണം,ടേക്ക് എ ബ്രേക്ക് പ്രോഗ്രാം തുടങ്ങിയ ശ്രമദാന പ്രവർത്തനങ്ങൾ നടത്തി. മുഖ്യ പദ്ധതികൾക്ക് പുറമെ വോളന്റിയർമാർക്കായി നിരവധി ബോധവത്കരണ ക്ലാസുകൾ, ഡോക്യൂമെന്ററി പ്രദർശനം,കലാപരിപാടികൾ,ചർച്ചകൾ,അനുസ്മരണം സദസുകൾ ,മാനവിക സ്നേഹത്തിന്റെ സന്ദേശങ്ങൾ വിളിച്ചറിയിച്ച് നടന്ന ക്രിസ്മസ് ആഘോഷം തുടങ്ങിയ അനുബന്ധ പദ്ധതികളും സംഘടിപ്പിച്ചു. രണ്ടാം വർഷ ഡിഗ്രി വിദ്യാർത്ഥികളായ 24 പെൺകുട്ടികളും 26 ആൺകുട്ടികളും അടങ്ങുന്ന 50 വളണ്ടിയർമാർ ക്യാമ്പിൽ സ്ഥിരാംഗങ്ങളായി പങ്കെടുത്തു. വിവിധ ഡിപാർട്ടുമെന്റുകളിലെ അധ്യാപകരും മുൻ വർഷത്തെ വളണ്ടിയർമാരും വിവിധ ദിവസങ്ങളിലായി ക്യാമ്പ് സന്ദർശിച്ചു.