ലോക പോളിയോ ദിനാചരണം: റോട്ടറി ക്ലബ് എടപ്പാളിന്റെ ബോധവത്കരണ പരിപാടികൾക്ക് തുടക്കം

എടപ്പാൾ :ലോക പോളിയോ ദിനത്തോടനുബന്ധിച്ച് റോട്ടറി ക്ലബ് എടപ്പാളിന്റെ ആഭിമുഖ്യത്തിൽ ഒരാഴ്ച നീളുന്ന ബോധവത്കരണ പരിപാടികൾക്ക് തുടക്കമായി. എടപ്പാൾ സി.എച്ച്.സി.യിൽ നടന്ന പരിപാടി ക്ലബ് പ്രസിഡന്റ് പ്രകാശ് പുളിക്കപ്പറമ്പിൽ ഉദ്ഘാടനം ചെയ്തു.പൾസ് പോളിയോ വാക്സിനേഷൻ ബൂത്ത്, മധുരവിതരണം, പോളിയോ ബോധവത്കരണ ക്ലാസ് എന്നിവ സംഘടിപ്പിച്ചു. നഴ്സിങ് ഓഫീസർ ശാരദ വാക്സിനേഷന്റെ പ്രാധാന്യത്തെക്കുറിച്ച് ക്ലാസെടുത്തു. സി.എച്ച്.സിയിലെ ആരോഗ്യപ്രവർത്തകരും പങ്കെടുത്തു.റോട്ടറി ക്ലബ് സെക്രട്ടറി സന്തോഷ് കെ.വി., ട്രഷറർ ഡോ. ഗസൽ ജലാൽ, പ്രതാപ് എളാട്ട്, പ്രോഗ്രാം ഡയറക്ടർ സുരേഷ് (ബിന്ദു സ്റ്റീൽസ്) എന്നിവർ പരിപാടികൾക്ക് നേതൃത്വം നൽകി. പോളിയോ നിർമാർജന പ്രവർത്തനങ്ങളിൽ പൊതുജനപങ്കാളിത്തം ഉറപ്പാക്കുകയാണ് പരിപാടികളുടെ ലക്ഷ്യം.