ചാലിശ്ശേരി:ചാലിശ്ശേരി ഗ്രാമപഞ്ചായത്തിൽ പിഎംഎവൈ ആവാസ് പ്ലസ്-2024 പദ്ധതിയുടെ ഗുണഭോക്തൃ കരട് ലിസ്റ്റ് അംഗീകരിക്കുന്നതിനായുള്ള ഗ്രാമസഭ ചേർന്നു.ഗ്രാമപഞ്ചായത്ത് വൈസ് പ്രസിഡന്റ് യു.കെ.സുരേഷ് ബാബുവിന്റെ അധ്യക്ഷതയിൽ പഞ്ചായത്ത് പ്രസിഡന്റ് റംല വീരാൻകുട്ടി ഗ്രാമസഭയുടെ ഉദ്ഘാടനം നിർവഹിച്ചു.വില്ലേജ് എക്സ്റ്റൻഷൻ ഓഫീസർ എൻ.പ്രസീത് പദ്ധതി വിശദീകരണം നടത്തി.
പഞ്ചായത്ത് വികസന സ്ഥിരം സമിതി ചെയർപേഴ്സൺ സിജി സാബു,ക്ഷേമകാര്യ സ്ഥിരം സമിതി ചെയർപേഴ്സൺ സവിത അജി, ആരോഗ്യ-വിദ്യാഭ്യാസ സ്ഥിരം സമിതി ചെയർപേഴ്സൺ ആനി വിനു,ജില്ലാ പഞ്ചായത്ത് അംഗം ടി.കെ.സുധീഷ് കുമാർ, ബ്ലോക്ക് പഞ്ചായത്ത് അംഗങ്ങളായ അഖില ജീവൻ,സൗമ്യ ഹരീഷ്, നിതു ടീച്ചർ,പഞ്ചായത്ത് സെക്രട്ടറി എം.എം.ജമീല,പഞ്ചായത്ത് അംഗങ്ങൾ,പഞ്ചായത്ത് പ്ലാൻ ഫെസിലിറ്റേറ്റർ ഷഹന അലി എന്നിവർ സംസാരിച്ചു.
പഞ്ചായത്ത് പരിധിയിൽ പിഎംഎവൈ ലിസ്റ്റിലുള്ള 168 പേരിൽ ലൈഫ് ഭവന പദ്ധതിയിൽ വീടുകൾ ലഭിച്ചവരും,സ്വന്തമായി വീട് നിർമ്മിച്ചവരും, അനർഹരായവരും ഒഴികെയുള്ളവരുടെ ലിസ്റ്റിന് ഗ്രാമസഭയിൽ അംഗീകാരം നൽകി.
