ചങ്ങരംകുളം:അന്താരാഷ്ട്ര യോഗാ ദിനത്തിന്റെ ഭാഗമായി ശ്രീ ശാസ്താ സ്കൂളിൽ നടന്ന യോഗാ ദിനം യോഗാദ്ധ്യാപിക അനിത കൊളക്കാട്ട് ഉദ്ഘാടനം ചെയ്തു.സ്കൂൾ കമ്മറ്റി സെക്രട്ടറി കണ്ണൻ പന്താവൂർ അദ്ധ്യക്ഷത വഹിച്ചു.സ്കൂൾ ഹെഡ്മിസ്ട്രസ് ടി.പി സുമ സ്വാഗതം പറഞ്ഞു.യോഗാദ്ധ്വാപിക അനിത കൊളക്കാട്ട് പന്താവൂർ കുട്ടികൾക്കും സ്കൂൾ കമ്മറ്റി പ്രവർത്തകർക്കും രക്ഷിതാക്കൾക്കും അദ്ധ്യാപകർക്കും യോഗാ ക്ലാസ് പരിശീലനം നടത്തി.
യോഗാദ്ധ്യാപിക അനിത കൊളക്കാട്ടിന് അഖില ഭാരത അയ്യപ്പ സേവാ സംഘം ജില്ലാ പ്രസിഡന്റും സ്കൂൾ കമ്മറ്റി സെക്രട്ടറിയുമായ കണ്ണൻ പന്താവൂർ ഉപഹാരം നൽകി ചടങ്ങിൽ ആദരിച്ചു.സംഗീത ദിനത്തിന്റെ ഭാഗമായി ആറാം ക്ലാസ് വിദ്യാർത്ഥി എം.എ.സാരംഗ് പാട്ടും പാടിയത് ഏവർക്കും സന്തോഷകരമായി.
സ്കൂൾ കമ്മറ്റി ജോയന്റ് സെക്രട്ടറി രാജൻ മാസ്റ്റർ ആലങ്കോട്,ഡോ:ദേവിക,വിദ്യ, സജിത, അദ്ധ്യാപികമാരായ എം.ഷീജ, കെ.സി. സൗമ്യ, ടി. പ്രമീള, പി. ജ്യോതി,വി.രേഖ,പി.പി.ഷൈനി, കെ. സഹാറ ഫാത്തിമ,കെ.വി. സൗമ്യ എന്നിവർ ആശംസകളർപ്പിച്ചു.
