എടപ്പാൾ മാണൂരിൽ കെഎസ്ആർടിസി ബസും കാറും കൂട്ടിയിടിച്ചു; കാർ ഡ്രൈവർക്ക് ഗുരുതര പരിക്ക്

എടപ്പാൾ :സംസ്ഥാനപാതയിൽ എടപ്പാൾ മാണൂരിൽ കെഎസ്ആർടിസി ബസും കാറും കൂട്ടിയിടിച്ച് കാർ ഡ്രൈവർക്ക് ഗുരുതര പരിക്ക്.ഞായറാഴ്ച രാത്രി 9 മണിയോടെ കെഎസ്ആർടിസി ബസും സ്വിഫ്റ്റ് കാറും തമ്മിൽ കൂട്ടിയിടിചാണ് അപകടം. അപകടത്തിൽ കാർ ഡ്രൈവർക്ക് ഗുരുതര പരിക്കേൽക്കുകയും ചെയ്തു.ശക്തമായ മഴയെ തുടർന്ന് നിയന്ത്രണം വിട്ട കാർ എതിർദിശയിൽ വന്ന കെഎസ്ആർടിസി ബസിൽ ഇടിക്കുകയായിരുന്നുവെന്നാണ് പ്രാഥമിക നിഗമനം. പരിക്കേറ്റ ഡ്രൈവറെ സമീപത്തെ ആശുപത്രിയിൽ പ്രവേശിപ്പിച്ചു.അപകടത്തെ തുടർന്ന് സംസ്ഥാനപാതയിൽ ഗതാഗതം തടസപ്പെട്ടു.