ചങ്ങരംകുളം:മൂക്കുതല ചേലക്കടവ് സ്ഥിതി ചെയ്യുന്ന കുന്നംകുളം ഭദ്രാസനത്തിന് കീഴിലുള്ള സെന്റ് ജോണ്‍സ് ഓര്‍ത്തഡോക്സ് സിറിയന്‍ ചര്‍ച്ചിൻ്റെ നവീകരിച്ച ദേവാലയ കൂദാശയും വിശുദ്ധ യോഹന്നാൻ ശ്ലിഹയുടെയും വിശുദ്ധ ഗീവർഗീസ് സഹദയുടെയും സംയുക്ത ഓർമ്മ പെരുന്നാളും ഡോ.ഗീവർഗീസ് മാർ യൂലിയോസ് തിരുമേനിയുടെ മുഖ്യ കാർമ്മികത്വത്തിൽ ശ്രേഷ്ഠമായി നടത്തപ്പെട്ടു.
കൂദാശ ശുശ്രൂഷയിൽ കുന്നംകുളം ഭദ്രാസന സെക്രട്ടറി സ്റ്റീഫൻ ജോർജച്ചൻ, സെന്റ് മേരീസ് കത്തീഡ്രല്‍ വികാരി ഫാദര്‍ വി. എം. സാമുവേലച്ചൻ എന്നിവരും സംബന്ധിച്ചു.ഇടവക വികാരി ഫാ. ജോസഫ് ജോർജ്, ട്രസ്റ്റി ചാക്കോ, സെക്രട്ടറി സുബിൻ ജേക്കബ് എന്നിവരുള്‍പ്പെടെയുള്ള ഇടവക കമ്മിറ്റി അംഗങ്ങൾ കൂദാശ ചടങ്ങുകൾക്ക് നേതൃത്വം നൽകി.
