ചങ്ങരംകുളം ചിയ്യാനൂരില് ഗൃഹനാഥന് കുത്തേറ്റു.ചിയ്യാനൂര് കോട്ടയില് ക്ഷേത്രത്തിന് സമീപം താമസിക്കുന്ന പയൂരവളപ്പില് മുഹമ്മദ്(50)നാണ് കുത്തേറ്റത്.തലയില് കുത്തേറ്റ മുഹമ്മദിനെ നാട്ടുകാര് ചേര്ന്നാണ് ചങ്ങരംകുളം സണ്റൈസ് ആശുപത്രിയിലും പിന്നീട് തൃശ്ശൂര് മെഡിക്കല് കോളേജ് ആശുപത്രിയിലും പ്രവേശിപ്പിച്ചത്.സംഭവത്തില് സമീപവാസിയായ കരീം(39)നെ ചങ്ങരംകുളം പോലീസ് കസ്റ്റഡിയില് എടുത്തിട്ടുണ്ട്.
ബുധനാഴ്ച വൈകിയിട്ട് നാല് മണിയോടെയാണ് സംഭവം.വീടിന് സമീപത്ത് വച്ച് ഉണ്ടായ ചെറിയ തര്ക്കം പിന്നീട് കത്തി കുത്തില് അവസാനിക്കുകയായിരുന്നു.കരീം കത്തിയുമായി എത്തി മുഹമ്മദിന്റെ കഴുത്തില് ചുറ്റിപ്പിടിച്ച് തലയില് കുത്തുകയായിരുന്നുവെന്നാണ് മുഹമ്മദ് പോലീസിന് നല്കിയ മൊഴി.തലയില് ആഴത്തില് മുറിവേറ്റ് കിടന്ന മുഹമ്മദിനെ ഓടിക്കൂടിയ നാട്ടുകാരാണ് ആശുപത്രിയില് എത്തിച്ചത്.പിടിയിലായ കരീമിനെ പോലീസ് കസ്റ്റഡിയില് ചോദ്യം ചെയ്ത് വരികയാണ്
