പിണറായി 3.0 സർക്കാർ വരാൻ വോട്ട് ചെയ്യണം, KPCC സെക്രട്ടറി സ്ഥാനം രാജിവെച്ച് ഡി വി വിനോദ് കൃഷ്ണ

KPCC സെക്രട്ടറി സ്ഥാനം രാജിവെച്ച് ഡി വി വിനോദ് കൃഷ്ണ. പിണറായി സർക്കാർ വരുന്നതിനായി വോട്ട് ചെയ്യണമെന്ന് ഫേസ്ബുക്ക് പോസ്റ്റ്. രാഹുൽഗാന്ധിക്ക് രാജി അറിയിച്ചുകൊണ്ട് കത്തയച്ചു. പാർട്ടിയുടെ പ്രാഥമിക അംഗത്വത്തിൽ നിന്നും രാജിവെക്കുന്നതായി അറിയിപ്പ്‌. പിണറായി 3.0 സർക്കാർ വരുന്നതിനായി നാളെ എനിക്ക് വോട്ട് ചെയ്യണം. അതിനാൽ കെ പി സി സി സെക്രട്ടറി സ്ഥാനമുൾപ്പെടെ പാർട്ടിയുടെ പ്രാഥമിക അംഗത്വം ഉൾപ്പെടെയുള്ള എല്ലാം സ്ഥാനങ്ങളിൽ നിന്നും രാജിവയ്ക്കുന്നുവെന്നും അദ്ദേഹം ഫേസ്ബുക്കിൽ കുറിച്ചു.ഇന്നലെ മുഖ്യമന്ത്രിയെ വിമർശിച്ച തെലങ്കാന മുഖ്യമന്ത്രി രേവന്ത് റെഡ്‌ഡിക്കെതിരെയും ഇദ്ദേഹം രംഗത്തെത്തി. അടിക്ക് അടി, ഇടിക്ക് ഇടി. ചവിട്ടിന് ചവിട്ട്. ഇതാണ് ഇന്നത്തെ ലോക ക്രമം വടികൊടുത്ത് അടിമേടിച്ചിട്ട് കിടന്ന് മോങ്ങാൻ നാണമില്ലേ ?. അമേരിക്കൻ പ്രസിഡന്റ് ട്രംപിന് ലോകത്തിലെ സകലമാന ആൾക്കാരേം തെറി വിളിക്കാമെങ്കിൽ കേരളത്തിന്റെ മുഖ്യമന്ത്രിക്ക്‌ തിരിച്ചും വിളിക്കാമെന്നും ഡി വി വിനോദ് കൃഷ്ണ ഫേസ്ബുക്കിൽ കുറിച്ചു.