തണ്ടിലം അരയാലക്കൽ ഭദ്രകാളി–വേട്ടയ്ക്കരൻ ക്ഷേത്രോത്സവം നാളെ നടക്കും

കാലടി: തണ്ടിലം ശ്രീ അരയാലക്കൽ ഭദ്രകാളി–വേട്ടയ്ക്കരൻ ക്ഷേത്രത്തിലെ വാർഷിക ഉത്സവം നാളെ (ശനിയാഴ്ച) വിവിധ പരിപാടികളോടെ ആഘോഷിക്കും.രാവിലെ 4.30ന് മഹാഗണപതി ഹോമത്തോടെയാണ് ചടങ്ങുകൾ ആരംഭിക്കുക. 8 മണിക്ക് ഉഷപൂജയും 10 മണിക്ക് തന്ത്രി ബ്രഹ്മശ്രീ കൽപ്പുഴ കൃഷ്ണൻ നമ്പൂതിരിയുടെ മുഖ്യകാർമികതയിൽ കലശം ആടലും നടക്കും. ഉച്ചയ്ക്ക് 12 മണിക്ക് പ്രസാദ ഊട്ടും ഉണ്ടായിരിക്കും.വൈകുന്നേരം 3 മണിക്ക് എഴുന്നള്ളത്ത്, 4 മണിക്ക് പറവെപ്പ്, 5.30ന് മേളം എന്നിവ നടക്കും. തുടർന്ന് വൈകിട്ട് 6 മണിമുതൽ വിവിധ ദേശക്കാരുടെ വരവുകൾ അരങ്ങേറും.രാത്രി 9 മണിക്ക് ഗാനമേളയും 11 മണിക്ക് തായമ്പകയും ഉണ്ടായിരിക്കും. പുലർച്ചെ 12.30ന് പാതിരാതാലം എഴുന്നള്ളത്തോടെയും 2.30ന് ഗുരുതിയോടെയും ഉത്സവം സമാപിക്കും.