ചാലിശ്ശേരി GLP സ്‌കൂളിലെ പുതിയ കെട്ടിടം ഉദ്ഘാടനവും നൂറാം വാർഷികപ്രഖ്യാപനവും മന്ത്രി എം.ബി.രാജേഷ് നിർവഹിച്ചു

ചാലിശ്ശേരി : ചാലിശ്ശേരി ഗവ.എൽ.പി. സ്കൂളിലെ പുതിയ കെട്ടിടോദ്ഘാടനവും സ്കൂൾ നൂറാം വാർഷികപ്രഖ്യാപനവും മന്ത്രി എം.ബി.രാജേഷ് നിർവഹിച്ചു.1.20 കോടി രൂപ ചെലവഴിച്ചാണ് ചാലിശ്ശേരി ഗവ. എൽ.പി.സ്കൂളിൽ കെട്ടിടം നിർമ്മിച്ചത്.രണ്ട് നിലകളിലായി എട്ട് ക്ലാസ് മുറികളും മറ്റു സൗകര്യങ്ങളും കെട്ടിടത്തിലുണ്ട്.പഞ്ചായത്ത് പ്രസിഡൻ്റ് റംല വീരാൻകുട്ടി അധ്യക്ഷയായി. തൃത്താല ബ്ലോക്ക് പഞ്ചായത്ത് പ്രസിഡൻ്റ് പി.ആർ. കുഞ്ഞുണ്ണി മുഖ്യാതിഥിയായി.പഞ്ചായത്ത് വൈസ് പ്രസിഡൻ്റ് സുരേഷ് ബാബു, ജില്ലാപഞ്ചായത്തംഗങ്ങളായ ടി.കെ.സുധീഷ് കുമാർ, ടി.കെ.സുനിൽ കുമാർ, ബ്ലോക്ക് പഞ്ചായത്തംഗം ഹുസൈൻ പുളിയഞ്ഞാലിൽ, ആനി വിനു, കെ. പ്രസാദ്, പ്രിൻസിപ്പൽ ഡോ.ഷജീന ഷുക്കൂർ, പ്രധാനാധ്യാപകൻ ഇ. ബാലകൃഷ്ണൻ, പി.ടി.എ. പ്രസിഡൻ്റ് വി.എസ്.ശിവാസ് തുടങ്ങിവർ സംസാരിച്ചു.