തൃശ്ശൂർ ജില്ലാ വ്യവസായ കേന്ദ്രം സംരംഭകർക്കായി ടെക്നോളജി ക്ലിനിക് സംഘടിപ്പിച്ചു

തൃശ്ശൂർ: കേന്ദ്ര-സംസ്ഥാന സർക്കാരുകളുടെ സംയുക്താഭിമുഖ്യത്തിൽ നടപ്പിലാക്കുന്ന RAMP പദ്ധതിയിൽ തൃശ്ശൂർ ജില്ലാ വ്യവസായ കേന്ദ്രം ടെക്നോളജി ക്ലിനിക് സംഘടിപ്പിച്ചു. ജില്ലാ വ്യവസായ കേന്ദ്രം ജനറൽ മാനേജർ ശ്രീമതി ഷീബ എസ് ൻ്റെ അദ്ധ്യക്ഷതയിൽ തൃശ്ശൂർ ജില്ലാ കളക്ടർ ഉദ്ഘാടനം ചെയ്തു. CSIR – NIIST വഴി വികസിപ്പിച്ചെടുത്ത സാങ്കേതിക വിദ്യകൾ സംരംഭകർക്ക് എങ്ങനെ പ്രയോജനപ്പെടുത്താം എന്ന വിഷയത്തിൽ NIIST യിലെ ചീഫ് സൈൻറിസ്റ്റ് Dr. നിഷി പി.,പ്രിൻസിപ്പൽ സൈൻറിസ്റ്റ് Dr. പ്രവീൺ K.K എന്നിവർ ക്ലാസ്സ് നയിച്ചു. കാര്യക്ഷമമായ പാക്കേജിംഗിൻ്റെ പ്രാധാന്യം, പാക്കേജിംഗ് രംഗത്തെ ഏറ്റവും പുത്തൻ പ്രവണതകൾ എന്ന വിഷയത്തിൽ കേല ഗ്ലോബൽ കൊച്ചി സ്ഥാപനഉടമ ശ്രീ. അജിത്ത് കുരിയക്കോസ് സംരംഭകർക്ക് പരിചയപ്പെടുത്തി. പാക്കിംഗ് ലൈസൻസ് നിയമങ്ങളും നടപടിക്രമങ്ങളും എന്ന വിഷയത്തിൽ ലീഗൽ മെട്രോളജി ഇൻസ്പെക്ടർ ശ്രീമതി ജീന ആർ. സംരംഭകർക്ക് അവബോധം നൽകി. വിവിധ സ്മാർട്ട് & സസ്റ്റെയിനബിൾ പാക്കേജിംഗ് രീതികൾ പാക്ക് മെൻ മെഷിനറീസ് മാനേജിംഗ് ഡയറക്ടർ ശ്രീ. സനിൽ ആനന്ദ് സംരംഭകർക്ക് പരിചയപ്പെടുത്തി. ജില്ലാ വ്യവസായ കേന്ദ്രം മാനേജർമാരായ ശ്രീ. പ്രണാപ് ജി.,ശ്രീമതി സിന്ധു പി. ആർ. , ശ്രീമതി ബിന്ദു. കെ. ആർ. അസിസ്റ്റൻ്റ് ഡയറക്ടർ ശ്രീ. വിശാഖ്. യു, ഉപജില്ലാ വ്യവസായ ഓഫീസർ ശ്രീമതി മിനി പി. ആർ. എന്നിവർ പരിപാടിയിൽ സംസാരിച്ചു. 85 സംരംഭകർ പരിപാടിയിൽ പങ്കെടുത്തു. സംരംഭകർക്ക് സംശയനിവാരണത്തിന് ഹെൽപ് ഡെസ്ക്ക് സംവിധാനവും പരിപാടിയുടെ ഭാഗമായി അവസരം ഒരുക്കിയിരുന്നു.