എരമംഗലത്ത് സിപിഐഎം പ്രവർത്തകർ ചേരി തിരിഞ്ഞ് ഏറ്റുമുട്ടി;ഡിവൈഎഫ്ഐ ഓഫീസ് പ്രവർത്തകർ തന്നെ അടിച്ചു തകർത്തു

പൊന്നാനി:എരമംഗലത്ത് സിപിഎം പ്രവര്‍ത്തകര്‍ തമ്മില്‍ ചേരി തിരിഞ്ഞു ഏറ്റുമുട്ടി. പൊന്നാനി എരമംഗലത്തെ സിപിഐഎം ലോക്കൽ കമ്മറ്റി ഓഫീസിന് മുകളിലെ ഡിവൈഎഫ്ഐ ഓഫീസ് റൂം ഡിവൈഎഫ്ഐ പ്രവർത്തകർ തന്നെ അടിച്ചു തകർത്തു.ഓഫീസിലുണ്ടായിരുന്ന മൊബൈൽ ഫ്രീസർ, ബൾബ്, ടിവി ഉൾപ്പടെ അടിച്ചു തകർത്തു.മൂക്കുതല കണ്ണേങ്കാവ് ഉത്സവത്തിനിടെ ഉണ്ടായ തർക്കമാണ് സംഘർഷത്തിലേക്ക് നയിച്ചത്.വെളിയങ്കോട്ടെ സിപിഐഎം പ്രവര്‍ത്തകര്‍ ഉത്സവത്തിന് വരുന്നതിനിടെ എരമംഗലത്ത് വച്ച് വഴി തടഞ്ഞതാണ് സംഘര്‍ഷങ്ങള്‍ക്ക് തുടക്കം.തുടര്‍ന്ന് വെളിയംകോട് നിന്ന് സംഘടിച്ചെത്തിയ സിപിഎം പ്രവര്‍ത്തകര്‍ സംഘര്‍ഷം ഉണ്ടാക്കുകയും ഓഫീസ് അടിച്ചു തകര്‍ക്കുകയും ചെയ്തുവെന്നാണ് എരമംഗലത്തെ സിപിഎം പ്രവര്‍ത്തകര്‍ പറയുന്നത്.എന്നാല്‍ വെളിയങ്കോടുള്ള ഒരൊറ്റ പാര്‍ട്ടി അംഗങ്ങളും പ്രശ്‌നം ഉണ്ടാക്കിയിട്ടില്ലെന്നാണ് വെളിയങ്കോട് സിപിഐഎം നേതൃത്വം പറയുന്നത്.സംഭവത്തില്‍ പെരുമ്പടപ്പ് പോലീസ് അന്വേഷണം തുടങ്ങിയിട്ടുണ്ട്.