സ്വർണ്ണ വിലയിൽ ഇന്ന് 200 രൂപയുടെ വർധനവ്

സ്വ‌ർണവില ഇന്നും മുകളിലേക്ക് കുതിച്ചുയരുകയാണ്. വർഷം അവസാനിക്കാൻ ദിവസങ്ങൾ മാത്രം ബാക്കിയിരിക്കെയാണ് സ്വർണ വില മുകളിലേക്ക് തന്നെ കുതിക്കുന്നത്. ഇത് വരും വ‌ർഷം വിപണിയെ എങ്ങനെ ബാധിക്കിമെന്ന സംശയത്തിലാണ്. രാജ്യാന്തര വിപണിയിലെ ചലനങ്ങളാണ് സ്വർണവിലയിൽ മാറ്റങ്ങൾക്ക് കാരണം.95,640 രൂപയാണ് ഒരു പവൻ സ്വർണത്തിൻ്റെ ഇന്നത്തെ വില. 11,955 രൂപയാണ് ഒരു ​ഗ്രാം സ്വർണത്തിന്റെ ഇന്നത്തെ വില. ഇന്നലത്തെ വിലയിൽ നിന്നും 200 രൂപയാണ് ഇന്ന് വർധിച്ചത്. 95,440 ആയിരുന്നു ഇന്നലത്തെ വില. ഡിസംബ‌ർ നാലിനാണ് ഈ വർഷത്തെ ഏറ്റവും കുറഞ്ഞ വില. 95,080 രൂപയായിരുന്നു അന്നത്തെ വില. അഞ്ചാം തീയതിയാണ് ഏറ്റവും കൂടിയ വില 95,840 രൂപയായിരുന്നു.നിലവിലെ ഭൗമരാഷ്ട്രീയ അസ്ഥിരത മുൻനിർത്തിയാണ് 2026-ലെ സ്വർണവിലയിലെ സാധ്യതകൾ വേൾഡ് ഗോൾഡ് കൗൺസിൽ വിലയിരുത്തുന്നത്. 2025 അവസാനിക്കാനിരിക്കുമ്പോഴും മുകളിലേക്ക് കുതിക്കുന്ന സ്വർണവില അടുത്ത വ‌ർഷം എങ്ങനെയായിരിക്കുമെന്ന ആശങ്കയുമുണ്ട്. ട്രെന്റ് തുടരാനുള്ള സാധ്യതയുണ്ടെന്നാണ് വിവരം. ഈ വർഷം തന്നെ വില ഒരു ലക്ഷത്തിലെത്തിയേക്കാമെന്നും സാമ്പത്തിക വിദ​ഗ്ധർ വിലയിരുത്തുന്നുണ്ട്. യു.എസ് കേന്ദ്ര ബാങ്ക് ഫെഡറൽ പലിശ നിരക്ക് കുറക്കുകയാണെങ്കിൽ വില ഇനിയും വർദ്ധിക്കാനുള്ള സാധ്യതയുണ്ട്.