ശ്രീ മൂക്കുതല ഭഗവതി ക്ഷേത്രം നവരാത്രി ആഘോഷത്തിനൊരുങ്ങി’

ചങ്ങരംകുളം:ദക്ഷിണ മൂകാംബിക എന്ന് പ്രസിദ്ധമായ ശ്രീ മൂക്കുതല ഭഗവതി ക്ഷേത്രത്തിലെ നവരാത്രി ആഘോഷം സെപ്ത‌ംബർ 22 മുതൽ ഒക്ടോബർ 2 വരെ വിപുലമായ പരിപാടികളോടെ നടക്കും.നവരാത്രി ആഘോഷത്തിനുള്ള വിപുലമായ ഒരുക്കങ്ങൾ പൂർത്തിയതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.സെപ്‌തംബർ 22ന് വൈകീട്ട് 5.00 മണിക്ക് പൊന്നാനി എം.എൽ.എ. പി. നന്ദ കുമാർ ആഘോഷ പരിപാടികൾ ഉദ്ഘാടനം ചെയ്യും.ഗുരുവായൂർ ദേവസ്വം ചെയർമാൻ ഡോ. വി.കെ. വിജയൻ വിശിഷ്‌ടാതിഥിയായിരിക്കും. മലബാർ ദേവസ്വം ബോർഡ് മലപ്പുറം ഏരിയ ചെയർമാൻ ബേബി ശങ്കർ അധ്യക്ഷതയ വഹിക്കുന്ന പരിപാടിയില്‍ സാഹിത്യകാരൻ ആലങ്കോട് ലീലാകൃ ഷ്ണൻ മുഖ്യപ്രഭാഷണം നടത്തും22ന് വൈകീട്ട് കലാമണ്ഡലം സംഗീത അവതരിപ്പിക്കുന്ന അപൂർവ്വ കലാരൂപമായ നങ്ങ്യാർകൂത്ത് 23ന് വെച്ചൂർ ശങ്കർ തിരുവനന്തപുരം അവതരിപ്പിക്കുന്ന സംഗീതകച്ചേരി എന്നിവ നടക്കും. 24ന് കലാമണ്‌ഡലം സുരേഷ് കാളിയത്തിൻ്റെ ഓട്ടൻ തുള്ളൽ, 25ന് ജയകൃഷ്‌ണൻ ഉണ്ണി ചെന്നൈ അവതരിപ്പി ക്കുന്ന സംഗീതകച്ചേരി,26ന് കലാമണ്‌ഡലം ഈശ്വരനുണ്ണിയുടെ ചാക്യാർകൂത്ത് എന്നിവയും ഉണ്ടാ യിരിക്കും. 27ന് യുവഗായകൻ മൂഴിക്കുളം വിവേകും 28ന് സംഗീതാചാര്യൻ താമരക്കാട് ഗോവിന്ദൻ നമ്പൂതിരിയും സംഗീതകച്ചേരികൾ അവതരിപ്പിക്കും.30ന് ലോക പ്രശസ്‌ത സംഗീതജ്ഞരായ ചെങ്കോട്ട ഹരിഹര സുബ്രഹ്മണ്യനും ഒക്ടോബർ 1ന് സംഗീത ജ്യോതി മാതങ്കി സത്യമൂർത്തിയും കച്ചേരി അവതരിപ്പിക്കും.കൂടാതെ 27,28,30,1 തീയ്യതികളിൽ രാവിലെ 7.30 മുതൽ വൈകീട്ട് 6.00 വരെ സംഗീത വിദ്യാർത്ഥികളും സംഗീതജ്ഞരും അവതരിപ്പിക്കുന്ന സംഗീതാർച്ചനയും ഉണ്ടാവും. ഒക്ടോബർ 1,2 തീയതികളിൽ ക്ഷേത്രത്തിന് പുറത്ത് പ്രത്യേകം തയ്യാറാക്കിയ വേദിയിൽ നൃത്താർച്ചന, തിരുവാ തിരക്കളി എന്നിവ അരങ്ങേറും.മഹാനവമി നാളിൽ രാവിലെ 8 മണിക്ക് പഞ്ചരത്ന കീർത്തനാലാപനവും 3 മണിക്ക് നവാവരണവും ഉണ്ടായിരിക്കും.വിജയദശമി നാളിൽ രാവിലെ 6.30ന് കുട്ടികളെ എഴുത്തിനിരുത്തൽ ആരംഭിക്കും.എല്ലാ ദിവസവും ഭക്തജനങ്ങൾക്ക് പ്രഭാത ഭക്ഷണവും ഉച്ചയ്ക്ക് അന്നദാനവും ഉണ്ടായിരി ക്കുമെന്നും ഭാരവാഹികള്‍ പറഞ്ഞു.11 ദിവസങ്ങളില്‍ പകലും രാത്രിയുമായി നടക്കുന്ന ആഘോഷത്തില്‍ എഴുനുറോളം കലാകാരന്മാർ അവരുടെ കലാനൈപുണ്യം കാഴ്‌ചവെയ്ക്കാനായി ക്ഷേത്രത്തിൽ എത്തിച്ചേരുമെന്നും ദേവസ്വം ഭാരവാഹികള്‍ പറഞ്ഞു.ദേവസ്വം ചെയർമാൻ വത്സലൻ കെ.പി.ട്രസ്റ്റിബോർഡ് മെമ്പർമാരായ എം. ഉണ്ണികൃഷ്‌ണൻ,സുരേഷ് കണ്ടംപുള്ളി,പ്രോഗ്രാം കമ്മിറ്റി ചെയർമാൻ പി.എൻ.കൃഷ്‌ണമൂർത്തി, നവരാത്രി ആഘോഷ കമ്മിറ്റി പ്രസിഡണ്ട് കെ.വി. സേതുമാധവൻ,നവരാത്രി ആഘോഷ കമ്മിറ്റി സെക്രട്ടറി പന്താവൂർ കൃഷ്‌ണൻ നമ്പൂതിരി തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു