പാലക്കാട് നിന്ന് കാണാതായ വിദ്യാർഥികളെ കണ്ടെത്തി

പാലക്കാട് കോങ്ങാട് നിന്ന് കാണാതായ വിദ്യാർഥിനികളെ കണ്ടെത്തി. ഒലവക്കോട് റെയിൽവേ സ്റ്റേഷൻ പരിസരത്ത് നിന്നാണ് ഇരുവരെയും പൊലീസ് കണ്ടെത്തിയത്. കോങ്ങാട് കെപിആർപി സ്കൂളിലെ 13 കാരികളായ വിദ്യാർഥിനികളെയാണ് ഇന്ന് രാവിലെ മുതൽ കാണാതായത്. ഇന്ന് രാവിലെ വീട്ടിൽ നിന്ന് 7മണിക്ക് ട്യൂഷന് പോയശേഷം സ്കൂളിലേക്കെന്നു പറഞ്ഞാണ് വിദ്യാർഥികൾ ഇറങ്ങുന്നത്. 10 മണിയോടെ ഒലവക്കോട് റെയിൽവേ സ്റ്റേഷനിൽ നിന്ന് ടിക്കറ്റ് എടുക്കുന്ന ദൃശ്യങ്ങളടക്കം പുറത്തുവന്നിരുന്നു. സ്കൂളിൽ എത്താത്തതോടെ അധ്യാപകരും രക്ഷിതാക്കളും പൊലീസിൽ പരാതിപ്പെടുകയായിരുന്നു. ഒലവക്കോട് കേന്ദ്രീകരിച്ചുകൊണ്ട് പൊലീസ് നടത്തിയ അന്വേഷണത്തിലാണ് വിദ്യാർഥിനികളെ കണ്ടെത്താനായത്.