മെക് 7 ഹെല്‍ത്ത് ക്ളബ്ബ് മൂക്കുതല ശാഖ രക്ത പരിശോധന ക്യാമ്പ് സംഘടിപ്പിച്ചു

ചങ്ങരംകുളം:മെക് 7 മൂക്കുതല ശാഖയും മെഡിടെക് ചങ്ങരംകുളവും ചേർന്ന് ക്ലബ്ബ് അംഗങ്ങൾക്കും അവരുടെ കുടുംബാംഗങ്ങൾക്കും ആയി ജീവിതശൈലി രോഗ നിർണയ രക്ത പരിശോധന ക്യാമ്പ് സംഘടിപ്പിച്ചു.രണ്ടു മാസം മുൻപ് തുടങ്ങിയ ക്ലബ്ബിന്റെ പ്രവർത്തനം നാട്ടിലെ ജനങ്ങളുടെ ആരോഗ്യ സംരക്ഷണത്തോടൊപ്പം ജാതിമത രാഷ്ട്രീയ ഭേദമന്യേയുള്ള ഒരു സൗഹൃദ കൂട്ടായ്മ കൂടിയാണ്.പരിശോധനയ്ക്ക് ക്ലബ്ബ് അംഗങ്ങളായിട്ടുള്ള സ്ത്രീകളും പുരുഷന്മാരും നേതൃത്വം നൽകി.രാവിലെ 7 മണിക്ക് ആരംഭിച്ച ക്യാമ്പ് 11 മണിയോടുകൂടി അവസാനിച്ചു.മെക് 7 മലപ്പുറം സോണ്‍ 4 ചീഫ് ട്രെയിനര്‍ ജിതേഷ് മക്കരപ്പറമ്പിന്റെ പരിശീലനത്തിൽ ആരംഭിച്ച ക്ലബ്ബിൽ കാലത്ത് 5:30 മുതൽ സ്ത്രീകൾക്കും 6:15 മുതൽ പുരുഷന്മാർക്കും വിജയകരമായി വ്യായാമ പരിശീലനം നടന്നുവരുന്നുണ്ട്.