മഴക്കാല ശുചീകരണം’ബോധവൽക്കരണവുമായി നാഷണൽ സർവ്വീസ് സ്കീം വിദ്യാർത്ഥിനികൾ

ചങ്ങരംകുളം:പാവിട്ടപ്പുറംഅസബാഹ് ഹയർസെക്കൻഡറി സ്കൂളിലെ എൻഎസ്എസ് വിദ്യാർത്ഥിനികളുടെ നേതൃത്വത്തിൽ സ്കൂൾ പരിസരത്തെ വീടുകളിൽ ബോധവൽക്കരണം നടത്തി. മഴക്കാലത്ത് പരിസര ശുചിത്വം പാലിക്കേണ്ടത് അത്യാവശ്യമാണെന്നും അതിന് എന്തെല്ലാം ചെയ്യണം എന്നും കുട്ടികൾ ജനങ്ങളെ ബോധ്യപ്പെടുത്തി.ലഘുലേഖകൾ വിതരണം ചെയ്യുകയുണ്ടായി.പ്രിൻസിപ്പാൾ വില്ലിംഗ്ടൺ പിവി എൻഎസ്എസ് പ്രോഗ്രാം ഓഫീസർ സജ്ന എസ്,അധ്യാപകരായ ജംസിയ ബി.പി റംല കെ,തൻസീർ എ, അബ്ദുൾ ലത്തീഫ്, അഹമ്മദ് പറയങ്ങാട്ടിൽഎന്നിവർ നേതൃത്വം നൽകി.