‘ബഷീറും ഇമ്മിണി ബല്യ കഥാപാത്രങ്ങളും’ ചിത്രപ്രദർശനം സമാപിച്ചു

വെളിയങ്കോട്: എംടിഎം കോളേജിലെ ലൈബ്രറി & റീഡേഴ്സ് ക്ലബിന്റെ ആഭിമുഖ്യത്തിൽ വൈക്കം മുഹമ്മദ് ബഷീർ അനുസ്മരണ ദിനത്തോട് അനുബന്ധിച്ച് ജൂലൈ 4 മുതൽ 14 വരെ നീണ്ടുനിന്ന ‘ബഷീറും ഇമ്മിണി ബല്യ കഥാപാത്രങ്ങളും’എന്ന പേരിലുള്ള വിദ്യാർത്ഥികളുടെ ചിത്രപ്രദർശനം സമാപിച്ചു, ബി എ സോഷ്യോളജി മൂന്നാം സെമസ്റ്റർ വിദ്യാർത്ഥിനികളായ അനഘ, ഷിഫാന ഷെറിൻ എംപി, ബി എ സോഷ്യോളജി ശ്രീലക്ഷ്മി മോഹനൻ സെമസ്റ്റർ വിദ്യാർത്ഥിനി ബി ബി എ മൂന്നാം സെമസ്റ്റർ വിദ്യാർത്ഥിനി തസ്‌നി കെ.എം എന്നിവർ വരച്ച ചിത്രങ്ങളാണ് പ്രദർശനത്തിൽ ഉണ്ടായിരുന്നത്.പങ്കെടുത്തവർക്കുള്ള സെർട്ടിഫിക്കറ്റ് പ്രിൻസിപ്പൽ അബ്ദുൽ കരീം നൽകി. മലയാള സാഹിത്യത്തെ ലോക പ്രശസ്തിയിലേക്ക് കൊണ്ടെത്തിച്ച ബഷീറിന്റെ സാഹിത്യം ലളിതവും എന്നാൽ ധൈഷണികമായി വലിയ സ്വാധീനം ഉണ്ടാക്കിയതുമാണ് എന്ന് അദ്ദേഹം പറഞ്ഞു.ലൈബ്രറേറിയൻ ഫൈസൽ ബാവ അധ്യക്ഷനായിരുന്നു.വൈസ് പ്രിൻസിപ്പൽ രാജേന്ദ്രകുമാർ,കൊമേഴ്‌സ് വിഭാഗം മേധാവി മായ.സി എന്നിവർ സംസാരിച്ചു.അനഘ സ്വാഗതവും ശ്രീലക്ഷ്മി നന്ദിയും പറഞ്ഞു.