സ്കൂൾ സമയക്രമം മാറ്റം: കോടതി നിശ്ചയിച്ച കാര്യമാണിത്, ഗവൺമെൻറ് ആയിട്ട് ഒരു കാര്യവും നടപ്പിലാക്കിയിട്ടില്ലെന്ന് മന്ത്രി വി ശിവൻകുട്ടി

ജനാധിപത്യം സമൂഹത്തിൽ ആർക്കുവേണമെങ്കിലും പ്രക്ഷോഭം നടത്താനുള്ള അധികാരമുണ്ടെന്ന് വിദ്യാഭ്യാസ മന്ത്രി വി ശിവൻകുട്ടി. കോടതി നിശ്ചയിച്ച കാര്യമാണിത്. ഏതെങ്കിലും ഒരു വിഭാഗത്തിന് വേണ്ടി മാത്രം കാര്യങ്ങൾ തീരുമാനിക്കാൻ കഴിയുമോ ? കോടതിയാണ് നിശ്ചയിച്ചത്, ആർക്കുവേണമെങ്കിലും കോടതിയെ സമീപിക്കാം. ഗവൺമെൻറ് ആയിട്ട് ഒരു കാര്യവും നടപ്പിലാക്കിയിട്ടില്ല എന്നും അദ്ദേഹം പറഞ്ഞു.സ്കൂളിലെ സമയവും യൂണിഫോമും പരീക്ഷയും ഏതെങ്കിലും ഒരു വിഭാഗം പറയുന്നതുപോലെ അതേ രൂപത്തിൽ നടപ്പിലാക്കാൻ പറയുന്നത് ജനാധിപത്യമര്യാദയല്ല . ഗവൺമെൻറിനെ സംബന്ധിച്ചിടത്തോളം 47 ലക്ഷം കുട്ടികളുടെ പ്രശ്നമാണ്. രാവിലെ 15 മിനിറ്റും വൈകിട്ട് 15 മിനിറ്റുമാണ് സമയം, ലോകത്ത് ഒന്നും സംഭവിക്കാൻ പോകുന്നില്ല. മറ്റ് കാര്യങ്ങൾക്ക് ഈ സമയം ഉപയോഗിക്കണമെങ്കിൽ അത് ക്രമീകരിക്കുക . കോടതികളും വിദ്യാഭ്യാസ ചട്ടങ്ങളിലും പറയുന്നത് അവഗണിക്കാൻ കഴിയില്ലെന്നും അദ്ദേഹം പറഞ്ഞു.സമയം ക്രമീകരിക്കേണ്ടത് പരാതി ഉള്ളവരാണ്. ചെറിയൊരു ശതമാനം വിദ്യാർഥികളെക്കാൾ 47 ലക്ഷം വിദ്യാർഥികളാണ് സർക്കാരിന് വലുത്.