ആലങ്കോട് പഞ്ചായത്തിൽ തെരുവ് വിളക്കുകൾ കത്തുന്നില്ല’അധികൃതർ കണ്ണു തുറക്കണം:യൂത്ത് കോൺഗ്രസ്‌

ചങ്ങരംകുളം :ആലങ്കോട് ഗ്രാമ
പഞ്ചായത്തിലെ പല വാർഡുകളിലും തെരുവ് വിളക്കുകൾ കത്തുന്നില്ലെന്നും കേടുവന്ന ലൈറ്റുകൾ ശരിയാക്കാൻ കരാർ പോലും വെക്കാത്ത അവസ്ഥയാണെന്നും യൂത്ത്കോണ്‍ഗ്രസ്സ് നേതാക്കള്‍ ആരോപിച്ചു.മഴ കെടുതികൾ കൊണ്ടും, തെരുവ് നായ ശല്യവും മൂലം പ്രയാസമനുഭവിക്കുന്ന സാധാരണക്കാരായ മനുഷ്യരെ പഞ്ചായത്ത് ഇരുട്ടിലാക്കി ബുദ്ധിമുട്ടിക്കുകയാണെന്നും എത്രയും പെട്ടെന്ന് തകരാറിലായ തെരുവ് വിളക്കുകൾ അടിയന്തര പ്രധാന്യത്തോടെ ശരിയാക്കാനുള്ള നടപടികൾ പഞ്ചായത്ത്‌ ഭരണസമിതി കൈകൊള്ളണമെന്നും ആലങ്കോട് മണ്ഡലം യൂത്ത്കോൺഗ്രസ്‌ കമ്മിറ്റി ആവിശ്യപെട്ടു.യോഗത്തിൽ മണ്ഡലം പ്രസിഡന്റ്‌ സുഹൈർ എറവറാംകുന്ന് അധ്യക്ഷത വഹിച്ചു.വൈസ് പ്രസിഡന്റ്‌ നസറുദ്ധീൻ പന്താവൂർ,അബുതാഹിർ,വിദ്യ വിനോദ്,ശിഹാബ്,അഷ്‌കർ, അനില വലയംകുളം,ആഷിക്ക്,അൻവർ എന്നിവർ സംസാരിച്ചു.