പരവൂര്‍ ഭൂതക്കുളം വേപ്പാലമൂട്ടില്‍ വാടകയ്ക്ക് താമസിക്കുന്ന വര്‍ക്കല പാളയംകുന്ന് സ്വദേശിയായ രമ്യ ഭവനില്‍ 32 വയസ്സുള്ള സായികുമാറിനെ ഊന്നിന്‍മൂട് ജംഗ്ഷനില്‍ നിന്നും , പള്ളിക്കല്‍ തുമ്പോട് സ്വദേശിയായ പഴുവടി വിളയില്‍ വീട്ടില്‍ 35 വയസ്സുള്ള അജിത്തിനെ പ്രതിയുടെ വീടിന് സമീപത്തു നിന്നുമാണ് ഇന്നലെ ഡാന്‍സാഫ് സംഘം പിടികൂടിയത്.
പാളയംകുന്ന് സ്വദേശിയായ സായികുമാറിനെ കല്ലമ്പലം എസ് എച്ച് ഒ പ്രൈജു സ്ഥലത്തെത്തി പ്രതിയുടെ ദേഹ പരിശോധന നടത്തി MDMA(1 ഗ്രാം) കണ്ടെടുക്കുകയും പ്രതിയെ അയിരൂര്‍ പോലീസിനു കൈമാറുകയും ചെയ്തു.
മടവൂര്‍ സ്വദേശിയായ അജിത്തിനെ അയിരൂര്‍ എസ്എച്ച് ഓ ശ്യാം ദേഹപരിശോധന നടത്തിയതില്‍ ഒരു ഗ്രാം MDMA കണ്ടെടുക്കുകയും തുടര്‍നടപടി ക്രമങ്ങള്‍ക്ക് ശേഷം പള്ളിക്കല്‍ പോലീസിന് പ്രതിയെ കൈമാറുകയും ചെയ്തു. ഇയാള്‍ക്കെതിരെ നിരവധി ക്രിമിനല്‍ കേസുകള്‍ നിലവിലുണ്ടെന്ന് പോലീസ് അറിയിച്ചു.ഓപ്പറേഷന്‍ ഡീ-ഹണ്ടിന്റെ ഭാഗമായി നടത്തിയ പരിശോധനയിലാണ്
റൂറല്‍ ജില്ലാ പോലീസ് മേധാവി സുദര്‍ശന്‍ IPS ന്റെ നിയന്ത്രണത്തിലുള്ള ഡാന്‍സാഫ് സംഘം പ്രതികളെ പിടികൂടിയത്.
നര്‍ക്കോട്ടിക് സെല്‍ ഡി വൈ എസ് പി പ്രദീപിന്റെ നിര്‍ദ്ദേശാനുസരണം ഡാന്‍സാഫ് എസ്.ഐ മാരായ സഹില്‍ , ബിജുകുമാര്‍, എസ് സി പി ഓ മാരായ അനൂപ്, വിനീഷ് സി പി ഒ ഫറൂഖ് എന്നിവരുടെ സംഘമാണ് പ്രതിയെ പിടികൂടിയത്. അറസ്റ്റിലായ രണ്ടു പ്രതികളെയും ഇന്ന് കോടതിയില്‍ ഹാജരാക്കുമെന്ന് പോലീസ് അറിയിച്ചു.
