പുതുപൊന്നാനി ഗവ. ഫിഷറീസ് എൽ.പി. സ്‌കൂൾ വാർഷികവും പ്രഥമാധ്യാപിക ജെസ്സി ടീച്ചറുടെ യാത്രയയപ്പ് സമ്മേളനവും ഇന്ന് നടക്കും

പുതുപൊന്നാനി:തീരദേശത്തിന്റെ അക്ഷര വെളിച്ചമായ പുതുപൊന്നാനി ഗവ. ഫിഷറീസ് എൽ.പി. സ്‌കൂൾ 94-ാം വാർഷികാഘോഷവും പ്രഥമാധ്യാപിക വി.ജെ. ജെസ്സി ടീച്ചറുടെ യാത്രയയപ്പ് സമ്മേളനവും വെള്ളിയാഴ്‌ച 3.30 -നടക്കും.പൊതുവിദ്യാലയങ്ങളിൽ വിപ്ളാവകരമായ മുന്നേറ്റമാണ് ജെസ്സി ടീച്ചറുടെ നേതൃത്വത്തിൽ നടത്തിയിട്ടുള്ളത്.അധ്യാപികയായും പ്രഥമാധ്യാപികയും 32 -വർഷക്കാലം സർക്കാർ സർവീസിൽ സേവനം ചെയ്‌ത അധ്യാപികയുടെ യാത്രയയപ്പ് വിപുലമായാണ് നടത്തുന്നത്. സ്‌കൂൾ വാർഷികാഘോഷവും യാത്രയയപ്പ് സമ്മേളനവും സംസ്ഥാന വിദ്യാഭ്യാസ മന്ത്രി വി. ശിവൻകുട്ടി ഉദ്‌ഘാടനം ചെയ്യും.പി.നന്ദകുമാർ എം.എൽ.എ.അധ്യക്ഷത വഹിക്കും. കവി ആലങ്കോട് ലീലാകൃഷ്‌ണൻ മുഖ്യപ്രഭാഷണം നടത്തും.പി.പി.സുനീർ എം.പി.കേരളാ വഖഫ് ബോർഡ് ചെയർമാൻ അഡ്വ. എം.കെ. സക്കീർ, പൊന്നാനി നഗരസഭാ ചെയർമാൻ ശിവദാസ് ആറ്റുപുറം മുഖ്യാതിഥികളാകും. അക്‌ബർ ട്രാവൽസ് ഓഫ് ഇന്ത്യ ചെയർമാൻ കെ.വി. അബ്ദുൽ നാസർ വിശിഷ്ടാതിഥിയാകും. വിദ്യാർഥികളുടെ കലാപരിപാടികൾ,യുവഗായകരായ ശിഹാബ് പാലപ്പെട്ടി,ശിഹാബ് പുതുപൊന്നാനി,ശുഹൈബ് ജെറിൻ തുടങ്ങിയവരുടെ നേതൃത്വത്തിൽ സംഗീത വിരുന്നും ഉണ്ടായിരിക്കും.