സ്വപ്നവീട്ടിലേക്ക് കൊല്ലം സുധിയുടെ കുടുംബം; ‘സുധിലയ’ ത്തിന്റെ പാലുകാച്ചൽ ചടങ്ങ് ഇന്ന്
അകാലത്തിൽ നമ്മെ വിട്ട് പിരിഞ്ഞ കലാകാരൻ കൊല്ലം സുധിയുടെ വീടെന്ന സ്വപ്നം യാഥാർത്ഥ്യമാകുന്നു. കോട്ടയം ചങ്ങനാശേരിയിൽ നിർമ്മിച്ച വീടിന്റെ പാലുകാച്ചൽ ചടങ്ങ് ഇന്ന് നടക്കും. ഫ്ളവേഴ്സ് ഫാമിലിയും 24 കണക്ടിൻ്റെയും ഇടപെടലാണ് ഈ സ്വപ്നം യാഥാർത്ഥ്യമാകുന്നതിന് പിന്നിൽ. ആംഗ്ലിക്കൻ സഭാ ബിഷപ്പ് റവറന്റ നോബിൾ ഫിലിപ്പ് അമ്പലവേലിൽ സൗജന്യമായി നൽകിയ 7 സെൻറ് സ്ഥലത്ത് കേരള ഹോം ഡിസൈൻ ഫേസ്ബുക്ക് കൂട്ടായ്മയുമാണ് വീടൊരുക്കിയത്.
മലയാളികളെ ഒരുപാട് ചിരിപ്പിച്ച് കടന്നുപോയ കൊല്ലം സുധിയുടെ ഏറ്റവും വലിയ ആഗ്രഹമായിരുന്നു സ്വന്തമായി ഒരു ഭവനം. എന്നാൽ അപ്രതീക്ഷിതമായി കയറി വന്ന അപകടം ആ സ്വപ്നങ്ങളെ മായ്ച്ചു കളഞ്ഞു. 24 കണക്റ്റും ഫ്ളവേഴ്സ് ഫാമിലിയും മുന്നിട്ടിറങ്ങിയതോടെ ആ സ്വപ്നം ഇപ്പോൾ യാഥാർത്ഥ്യമായിരിക്കുകയാണ്. മിമിക്രി ആർട്ടിസ്റ്റ് അസോസിയേഷനും വലിയ പിന്തുണയുമായി എത്തിയിരുന്നു.
