'അമ്മ'യ്ക്ക് വീഴ്ച സംഭവിച്ചിട്ടുണ്ട്, മാതൃകാപരമായ ശിക്ഷയുണ്ടാകണമെന്ന് നടൻ പൃഥ്വിരാജ്
കൊച്ചി: ഹേമ കമ്മിറ്റി റിപ്പോര്ട്ടിന് പിന്നാലെ ആരോപണ വിധേയരായവര്ക്കെതിരേ കൃത്യമായ അന്വേഷണം വേണമെന്ന് പൃഥ്വിരാജ്. കുറ്റം ചെറുത്തിട്ടുണ്ടെങ്കില് നടപടി ഉണ്ടാകണം. ആരോപണം തെറ്റെന്നു തെളിഞ്ഞാല് തിരിച്ചും നടപടി വേണമെന്നും പൃഥ്വിരാജ് പറഞ്ഞു. കമ്മിറ്റി റിപ്പോര്ട്ടില് പറയുന്ന പേരുകള് പുറത്ത് വിടണോ എന്ന് തീരുമാനിക്കേണ്ടത് ഞാനല്ല. ഞാന് ഇതില് ഇല്ലാ എന്ന് പറയുന്നതില് തീരുന്നില്ല എന്റെ ഉത്തരവാദിത്തമെന്നും പൃഥ്വിരാജ് പറഞ്ഞു. അതേസമയം പവര് ഗ്രൂപ്പ് ഉണ്ടെങ്കില് അത് ഇല്ലാതാകണം, ഞാന് അനുഭവിച്ചിട്ടില്ല എന്നത് കൊണ്ട് അങ്ങനെ ഒരു ഗ്രൂപ്പ് ഇല്ലെന്ന് പറയന് കഴിയില്ല. ഒരു പദവിയില് ഇരിക്കുന്നവര് ആരോപണം നേരിടുമ്പോള് പദവി ഒഴിയുക തന്നെ വേണം. 'അമ്മയ്ക്ക്' പരാതികള് പരിഹരിക്കുന്നതില് വീഴ്ച സംഭവിച്ചിട്ടുണ്ട്. എനിക്ക് ചെയ്യാന് കഴിയുന്നത് എനിക്ക് ചുറ്റുമുള്ള തൊഴിലിടം സുരക്ഷിതമാക്കുക എന്നുള്ളതാണ്. പക്ഷേ അതോടെ ഉത്തരവാദിത്വം തീരുന്നില്ല. ആരോപണവിധേയവരായവര് മാറി നിന്ന് അന്വേഷണം നേരിടുകയാണ് വേണ്ടത്. ഏത് സംഘടനയില് ആയാലും എല്ലാവരും ഒരുമിച്ച് പ്രവര്ത്തിക്കണം. ആരെയും മാറ്റിനിര്ത്തരുത്. അങ്ങനെ ഒരു ഭാവിയിലേക്ക് ഉടനെ എത്തിച്ചേരട്ടെ. സിനിമയില് ആരെയും വിലക്കാന് പാടില്ല. നിലപാട് പറഞ്ഞതിന്റെ പേരില് പാര്വതിക്ക് മുന്പ് തനിക്കാണ് വിലക്ക് ഉണ്ടായത്. സിനിമയില് ബഹിഷ്കരണവും വിലക്കും പാടില്ലെന്നും പൃഥ്വിരാജ് പറഞ്ഞു.