ശവം മണക്കുന്ന ഒറ്റ ഇതളുള്ള ഭീമന് പുഷ്പം; അപൂര്വങ്ങളില് അപൂര്വമായി വിരിയുന്ന പൂവ് കാണാനെത്തിയത് ആയിരങ്ങള്
സുമാത്രന് ദ്വീപില് കണ്ടുവരുന്ന അഴകിയ മാംസത്തിന്റെ ഗന്ധമുള്ള ഭീമന് പുഷ്പം. ഗന്ധത്തിന്റെ പ്രത്യേകതകൊണ്ടുതന്നെ വിളിക്കുന്നത് 'ശവ പുഷ്പ'മെന്നും. അപൂര്വമായി മാത്രം കണ്ടുവരുന്ന പുഷ്പം വിരിഞ്ഞത് പോളണ്ട് വാര്സോയിലെ ബൊട്ടാണിക്കല് ഗാര്ഡനിലും. മണിക്കൂറുകള് കാത്തുനിന്നാണ് സഞ്ചാരികള് പൂവ് വിരിയുന്നത് കണ്ടത്. വാര്ത്തയറിഞ്ഞ് വിരിഞ്ഞ പൂവ് കാണാനായി നിരവധി പേര് ബൊട്ടാനിക്കല് ഗാര്ഡനിലേക്ക് ഒഴുകിയെത്തുകയും ചെയ്തു. സുമാത്രന് പ്രദേശത്താണ് ഈ പുഷ്പം കണ്ടുവരുന്നത്. പേര് ടൈറ്റന് ആരം. മാംസം ഭക്ഷിക്കുന്ന പ്രാണികളെ പരാഗണത്തിനായി ആകര്ഷിക്കുന്ന ഈ പുഷ്പം വിരിഞ്ഞ് ഒരു ദിവസത്തിനകം വാടുകയും ചെയ്യും. ഞായറാഴ്ച വിരിഞ്ഞ പൂവ് തിങ്കളാഴ്ച വാടിയിരുന്നു.
അസാധാരണ
ഗന്ധം മൂലം പലരും പൂവ് നേരിട്ട് കാണാനെത്താന് വിസമ്മതിച്ചതായും വാര്സോ
യൂനിവേഴ്സിറ്റി ബൊട്ടാണിക്കല് ഗാര്ഡന് അധികൃതര് പറയുന്നു. പലരും
യൂനിവേഴ്സിറ്റിയുടെ ലൈവ് പരിപാടിയിലൂടെയാണ് പൂവിനെ ആസ്വദിച്ചത്.
ആയിരക്കണക്കിന് പേര് ഞായറാഴ്ച രാത്രിയും തിങ്കളാഴ്ച രാവിലെയും വരിയായി
നിന്ന് പൂവ് കാണാനെത്തിയിരുന്നതായി യൂനിവേഴ്സിറ്റി പറയുന്നു. ലോകത്തിലെ
തന്നെ ഏറ്റവും വലിയ പുഷ്പങ്ങളിലൊന്നാണ് ടൈറ്റന് ആരത്തിേന്റത്. ഒറ്റ
ഇതളില് വിരിയുന്ന കൂറ്റന് പുഷ്പം. 10 അടിയോളം ഉയരമുണ്ടാകും ഇതിന്റെ
പൂവിന് മാത്രം. ഒറ്റ വലിയ ഇതളിന് നടുവിലായി പച്ച നിറത്തിലുള്ള വലിയ
മുകുളവുമുണ്ടാകും. അപൂര്വങ്ങളില് അപൂര്വവും പ്രവചനാതീതവുമാണ് ഇതിന്റെ
വിരിയല്.
2016ല് ന്യൂയോര്ട്ട് ബൊട്ടാണിക്കല് ഗാര്ഡനില് ഈ പൂവ് വിരിഞ്ഞിരുന്നു. സുമാത്രയിലെ മഴക്കാടുകളില് കണ്ടുവരുന്ന ഈ ചെടി വനനശീകരണം മൂലം വംശനാശത്തിന്റെ വക്കിലാണ്. ബൊട്ടാണിക്കല് ഗാര്ഡനുകളില് ഇവ സംരക്ഷിച്ചുപോരുന്നു.