ആറുവയസുകാരിയെ കൊലപ്പെടുത്തിയത് മാങ്ങയുടെ പേരില്; ഒമ്ബതും പന്ത്രണ്ടും വയസുള്ള സഹോദരിമാര് അറസ്റ്റില്
ആറുവയസുകാരിയെ ശ്വാസം മുട്ടിച്ച് കൊലപ്പെടുത്തിയ സംഭവത്തില് പ്രായപൂര്ത്തിയാകാത്ത സഹോദരിമാര് അറസ്റ്റില്. ഒമ്ബതും പന്ത്രണ്ടും വയസുള്ള സഹോദരിമാരാണ് അറസ്റ്റിലായത്. ജാര്ഖണ്ഡിലെ വെസ്റ്റ് സിംഗ്ഭും ജില്ലയിലാണ് രാജ്യത്തെ നടുക്കിയ സംഭവം അരങ്ങേറിയത്. മാമ്ബഴം മോഷ്ടിച്ചെന്നാരോപിച്ചാണ് കൊലപാതകമെന്നാണ് റിപ്പോര്ച്ചുകള്. മരിച്ച കുട്ടി മാങ്ങ പറിക്കുന്നതിനിടയില് സഹോദരിമാര് മര്ദ്ദിക്കുകയും ശ്വാസം മുട്ടിച്ച് കൊലപ്പെടുത്തുകയായിരുന്നുവെന്നാണ് പൊലീസ് പറയുന്നത്.
പ്രതികളുടെ പറമ്ബില് നിന്ന് മാങ്ങപറിക്കുന്നതിനിടയിലാണ് കൊലപാതകം നടന്നതെന്നാണ് പ്രാഥമിക നിഗമനം. സംഭവത്തില് കൂടുതല് വ്യക്തത വരേണ്ടതുണ്ടെന്നും അന്വേഷണം നടക്കുകയാണെന്നും പൊലീസ് പറഞ്ഞു. കൊലപാതകം, തെളിവ് നശിപ്പിക്കല് തുടങ്ങിയ വകുപ്പുകള് പ്രകാരം കസ്റ്റഡിയിലെടുത്ത കുട്ടികളെ റിമാന്ഡ് ഹോമിലേക്ക് മാറ്റിയതായി ചക്രധാര്പൂര് പൊലീസ് സ്റ്റേഷന് ചുമതലയുള്ള പ്രവീണ് കുമാര് പറഞ്ഞു.