തൊണ്ടിമുതല് വിഴുങ്ങിക്കുടുങ്ങി; കള്ളെന്റ വയറ്റില്നിന്ന് പുറത്തെടുത്തത് 35 ഗ്രാം സ്വര്ണം
ബംഗളൂരു: ദിലീഷ് പോത്തന് സംവിധാനം ചെയ്ത് ഹിറ്റായ 'തൊണ്ടിമുതലും ദൃക്സാക്ഷിയും' സിനിമയില് ഫഹദ്ഫാസില് അവതരിപ്പിച്ച കള്ളന് കഥാപാത്രം തൊണ്ടിമുതലായ സ്വര്ണമാല വിഴുങ്ങിയതും പിന്നീട് അത് പുറത്തെടുക്കാന് പൊലീസ് നടത്തുന്ന പരിശ്രമങ്ങളും ഒരു ചെറുചിരിേയാടെയാണ് കാണികള് ആസ്വദിച്ചത്. സമാന സംഭവം കര്ണാടക^കേരള അതിര്ത്തി പ്രദേശമായ ദക്ഷിണ കന്നടയിലെ സുള്ള്യയിലും അരങ്ങേറി.
ഇൗ കേസില് സ്വര്ണാഭരണങ്ങള് വിഴുങ്ങിയ പ്രതി പണിപാളി ഒടുവില് ആശുപത്രിയിലെത്തിയതോടെയാണ് സംഭവം ചുരുളഴിഞ്ഞതെന്ന് മാത്രം! മേയ് 29ന് രാത്രി ഷിബു എന്നയാള് കലശലായ വയറുവേദനയുമായി സുള്ള്യയിലെ ആശുപത്രിയിലെത്തിയതാണ് സംഭവങ്ങളുടെ തുടക്കം.
മോഷണ മുതല് വിഴുങ്ങിയ കാര്യം രോഗി പുറത്തുപറഞ്ഞില്ല. േഡാക്ടറുടെ നിര്ദേശപ്രകാരം എക്സ്റേ എടുത്തതോടെ വയറ്റില് കുടുങ്ങിക്കിടക്കുന്നത് ആഭരണങ്ങളാണെന്ന് തിരിച്ചറിഞ്ഞു.
ഞായറാഴ്ച രാവിലെ നടത്തിയ ഒാപറേഷനിലൂടെ ചെറുതും വലുതുമായ മോതിരങ്ങളും കമ്മലും അടക്കം 30 സ്വര്ണാഭരണങ്ങള് പുറത്തെടുത്തു. എല്ലാം കൂടി 35 ഗ്രാം ഉണ്ടായിരുന്നു. തുടര്ന്ന് ആശുപത്രി അധികൃതര് പൊലീസില് വിവരമറിയിച്ചു. ഇതോടെ ഇയാളുടെ സഹായി തങ്കച്ചനെയടക്കം പൊലീസ് കസ്റ്റഡിയിലെടുക്കുകയായിരുന്നു.