Kannur
കണ്ണൂരിൽ കൊവിഡ് വ്യാപനം കൂടുതലുള്ള പ്രദേശങ്ങളിൽ നിരോധനാജ്ഞ
കണ്ണൂർ: കണ്ണൂർ ൽ കൊവിഡ് വ്യാപനം കൂടുതലുള്ള പ്രദേശങ്ങളിൽ നിരോധനാജ്ഞ പ്രഖ്യാപിച്ചു. കണ്ണൂർ കോർപ്പറേഷൻ, പയ്യന്നൂർ, തലശ്ശേരി, ഇരിട്ടി നഗരസഭകൾ, ചെറുപുഴ ചെറുതാഴം പഞ്ചായത്തുകൾ എന്നിവിടങ്ങളിലെ 10 ൽ കൂടുതൽ കൊവിഡ് കേസുകൾ റിപ്പോർട്ട് ചെയ്ത വാർഡ്\ ഡിവിഷനുകളിലാണ് നിലവിൽ നിരോധനാജ്ഞ.
അഞ്ചിൽ കൂടുതൽ ആളുകൾ കൂട്ടം കൂടി നിൽക്കരുത്. ഉത്സവങ്ങളും മറ്റ് മത പരിപാടികളും ചടങ്ങുകളിൽ ഒതുക്കണം. ജിം, കരാട്ടെ, ടർഫ്, ടൂർണ്ണമെൻ്റുകൾ പാടില്ല. കടകമ്പോളങ്ങൾ (മരുന്ന് ഷോപ്പ്, അവശ്യ സാധന കട, ബേക്കറി എന്നിവ ഒഴികെ) രാത്രി 7 മണി വരെ മാത്രമേ പ്രവർത്തിപ്പിക്കാൻ പാടുള്ളൂ എന്നിവയാണ് നിർദ്ദേശങ്ങൾ. 27 ന് രാത്രി വരെയാണ് നിയന്ത്രണമെന്നും ജില്ല കലക്ടർ ടി.വി സുഭാഷ് അറിയിച്ചു.
