അഭിമന്യു കൊലപാതകം:ഒരു പ്രതി കൂടി പിടിയില്
ആലപ്പുഴ :വള്ളികുന്നത്ത് അഭിമന്യു കൊലക്കേസില് ഒരു പ്രതി കൂടി പൊലീസിന്രെ പിടിയിലായി. വള്ളികുന്ന് സ്വദേശി ജിഷ്ണുവാണ് പിടിയിലായത്. കൊലപാതകത്തില് പങ്കെടുത്ത പ്രതികളെ രക്ഷപ്പെടാന് ഇയാള് സഹായിച്ചു എന്നാണ് പൊലീസ് പറയുന്നത്. കേസിലെ മുഖ്യപ്രതി സജയ് ജിത്ത് ഇന്നുരാവിലെ എറണാകുളം പാലാരിവട്ടം പൊലീസ് സ്റ്റേഷനിലെത്തി കീഴടങ്ങിയിരുന്നു.
ആര്എസ്എസ് പ്രവര്ത്തകനാണ് സജയ് ജിത്ത്. കേസില് സജയ് ദത്ത് അടക്കം അഞ്ചു പ്രതികള് ഉള്പ്പെട്ടിട്ടുണ്ടെന്നാണ് പൊലീസ് പറയുന്നത്. ബുധനാഴ്ച രാത്രി പത്ത് മണിയോടെയാണ് പതിനഞ്ചുവയസ്സുകാരനായ അഭിമന്യുവിനെ കൊലപ്പെടുത്തിയത്.
വള്ളികുന്നം ക്ഷേത്രത്തിലെ ഉത്സവത്തിനിടെയുണ്ടായ തര്ക്കമാണ് കൊലപാതകത്തില് കലാശിച്ചത്.ക്ഷേത്രത്തിന് കിഴക്കുവശത്തെ മൈതാനത്തു വച്ചാണ് അഭിമന്യുവിന് കുത്തേറ്റത്. വള്ളികുന്നം ഹൈസ്കൂളിലെ പത്താം ക്ലാസ് വിദ്യാര്ഥിയും പുത്തന് ചന്ത കുറ്റിയില് തെക്കതില് അമ്പിളി കുമാറിന്റെ മകനുമാണ്.
ഡിവൈഎഫ്ഐ പ്രവര്ത്തകനായ അഭിമന്യുവിന്റെ സഹോദരനും ആര്എസ്എസ് പ്രവര്ത്തകരും തമ്മില് വഴക്കുണ്ടായിരുന്നു. ഈ വൈരാഗ്യത്തെത്തുടര്ന്നുള്ള സംഘര്ഷത്തിനിടെ അഭിമന്യുവിന് കുത്തേല്ക്കുകയായിരുന്നു എന്നാണ് പൊലീസ് പറയുന്നത്.