Thrissur
ഓടുന്നതിനിടെ ലോറിയുടെ ചക്രം ഊരിത്തെറിച്ചുഇരുചക്ര യാത്രിക രക്ഷപ്പെട്ടത് തലനാരിഴക്ക്.
മാള: ടിപ്പര്‍ ലോറിയുടെ ആക്സില്‍ ഓടിഞ്ഞ് പിന്‍ ചക്രങ്ങള്‍ ഊരി തെറിച്ചു. ഈ സമയം എതിര്‍ ദിശയില്‍നിന്ന് വന്ന ഇരുചക്ര യാത്രിക രക്ഷപ്പെട്ടത് തലനാരിഴക്ക്.
മാള കെ.എസ്.ആര്‍.ടി.സി സ്റ്റാന്‍ഡിന് സമീപം വ്യാഴാഴ്ച വൈകീട്ടായിരുന്നു സംഭവം. കെ.കെ. റോഡിലേക്ക് തിരിയുന്ന ജങ്ഷനില്‍ ടിപ്പര്‍ ലോറിയുടെ ആക്സില്‍ ഒടിഞ്ഞ് വലതു വശത്തെ പുറകിലെ ഇരുചക്രങ്ങളും തെറിച്ചു പോവുകയായിരുന്നു.
തൊട്ടു പിറകില്‍ വരികയായിരുന്ന ഇരുചക്ര യാത്രികന്‍ ഒഴിഞ്ഞുമാറി. ടിപ്പര്‍ ലോറിയുടെ ചക്രങ്ങള്‍ തെറിച്ചു വരുന്നത് കണ്ട് ഇരുചക്ര യാത്രിക ബ്രേക്ക് ചെയ്ത് വാഹനം നിറുത്തിയതിനാലാണ് അപകടം ഒഴിവായത്.
