National
വോട്ട് ചെയ്യാന് എത്തിയയാള് വോട്ടിംഗ് മെഷിന് അരിവാള് കൊണ്ട് വെട്ടിമുറിച്ചു
ചെന്നൈ: മദ്യപിച്ച് വോട്ട് ചെയ്യാനെത്തിയയാള് വോട്ടിംഗ് മെഷിന് അരിവാള് കൊണ്ട് വെട്ടിമുറിച്ചു. തമിഴ്നാട്ടിലെ പുതുക്കോട്ടയിലാണ് സംഭവം. ചൊവ്വാഴ്ച വൈകുന്നേരമാണ് സംഭവം.
വോട്ട് ചെയ്യാനെത്തിയ ഇയാളും സുരക്ഷ ജീവനക്കാരും മദ്യപിച്ചതിന്റെ പേരില് രൂക്ഷമായ വാക്കുതര്ക്കമുണ്ടായി. പിന്നീട് ഉദ്യോഗസ്ഥരെ തട്ടിമാറ്റി ബൂത്തിലേക്ക് ഇയാള് ഓടിക്കയറി വോട്ടിംഗ് മെഷിന് അരിവാള് കൊണ്ട് വെട്ടിമുറിക്കുകയായിരുന്നു.
സംഭവശേഷം പോലീസ് ഇയാളെ അറസ്റ്റ് ചെയ്തു നീക്കി. ഇവിഎമ്മിന്റെ നിയന്ത്രണ യൂണിറ്റ് കേട് പറ്റിയിട്ടില്ലെന്നും പോള് ചെയ്ത വോട്ടുകള് സുരക്ഷിതമാണെന്നും അധികൃതര് അറിയിച്ചു.