ഗുരുവായൂര്‍ പോലീസ് ഉദ്യോഗസ്ഥന്റെ മുഖത്തേക്ക് കുരുമുളക് പൊടി സ്പ്രേ ചെയ്ത ശേഷം ഓടിരക്ഷപ്പെട്ട പിടികിട്ടാപ്പുള്ളി അറസ്റ്റില്‍
ഗുരുവായൂര്‍ : പോലീസ് ഉദ്യോഗസ്ഥന്റെ മുഖത്തേക്ക് കുരുമുളക് പൊടി സ്പ്രേ ചെയ്ത ശേഷം ഓടിരക്ഷപ്പെട്ട പിടികിട്ടാപ്പുള്ളി അറസ്റ്റില്‍. പാലയൂര്‍ കറുപ്പംവീട്ടില്‍ ഫവാദിനെയാണ് (33) ഗുരുവായൂര്‍ പൊലീസ് അറസ്റ്റ് ചെയ്തിരിക്കുന്നത്. ഇക്കഴിഞ്ഞ മാര്‍ച്ച്‌ 11നാണ് കേസിനാസ്പദമായ സംഭവം. മോഷണം ഉള്‍പ്പെടെ നിരവധി ക്രിമിനല്‍ കേസുകളില്‍ പിടികിട്ടാപുള്ളിയായ പ്രതിയെ പിടികൂടാന്‍ പൊലീസ് എത്തിയപ്പോഴാണ് പൊലീസിന് നേരെ ആക്രമണം ഉണ്ടായത്.പിറകിലെ വാതിലിലൂടെ ഇറങ്ങിയോടാന്‍ ശ്രമിച്ച ഫവാദിനെ സി.പി.ഒ രതീഷ് തടയാന്‍ ശ്രമിച്ചപ്പോഴാണ് കുരുമുളക് പൊടി സ്പ്രേ ചെയ്തത്. ഗുരുവായൂര്‍, വാടാനപ്പള്ളി, ചാവക്കാട്, കോഴിക്കോട്, വടക്കാഞ്ചേരി, കുന്നംകുളം തുടങ്ങിയ സ്റ്റേഷനുകളില്‍ ഇയാള്‍ക്കെതിരെ നിരവധി കേസുകളുണ്ട്.
