എറണാംകുളത്ത് തൃത്താലയിലെയും ,തൃശൂർ ജില്ലയിലെ 3 മണ്ഡലങ്ങളിലെയും സ്ഥാനാർത്ഥികളുടെ പ്രചരണ പോസ്റ്ററുകൾ
എറണാംകുളത്ത് തൃത്താലയിലെയും ,തൃശൂർ ജില്ലയിലെ 3 മണ്ഡലങ്ങളിലെയും സ്ഥാനാർത്ഥികളുടെ പ്രചരണ പോസ്റ്ററുകൾ
ചങ്ങരംകുളം: :തെരഞ്ഞെടുപ്പ് ചൂട് സാധാരണ അതാത് നിയോജക മണ്ഡലങ്ങളിൽ കാണാറെങ്കിലും കേരളത്തിലെ വലിയ വ്യാപാര കേന്ദ്രമായ എറണാകുളത്തെ തെരുവുകളിൽ തൃത്താല ഉൾപ്പെടെയുള്ള നാലു മണ്ഡലങ്ങളിലെ സ്ഥാനാർത്ഥികളുടെ പ്രചരണ പോസ്റ്ററുകൾ വേറിട്ട കാഴ്ചയാകുന്നു.എറണാകുളത്തെ ബോഡ് വേ ലെയിനിലെ , മേത്തർ ബസ്സാർ , കോളുത്തറ ബസ്സാർ ,കോർപ്പറേഷൻ ബസ്സാർ , മാർക്കറ്റ് റോഡ് , ജ്യൂസ് സ്ട്രീറ്റ് എന്നിടങ്ങളിലാണ് അഞ്ച് മണ്ഡലങ്ങളിലെ സ്ഥാനാർത്ഥികളുടെ പ്രചരണം പോസ്റ്ററുകൾ കൗതുകവും ചർച്ചയുമാകുന്നത്.ഇവിടുത്തെ കച്ചവടക്കാരിൽ തൃത്താല മണ്ഡലത്തിലെ ചാലിശ്ശേരി സ്വദേശികൾ ധാരാളമായുണ്ട്.തൃത്താലക്ക് പുറമെ തൃശൂർ ജില്ലയിലെ കുന്നംകുളം ,വടക്കാഞ്ചേരി , ചേലക്കര മണ്ഡലങ്ങളിലും മറ്റുള്ളവർക്ക് എറണാകുളം മണ്ഡലത്തിലുമാണ് വോട്ടുകൾ ഉള്ളത്.തൃത്താല ഇടത് സ്ഥാനാർത്ഥി
എം.ബി രാജേഷ് , വടക്കാഞ്ചേരി സേവ്യർ ചിറ്റിലപ്പള്ളി , ചേലക്കര കെ രാധാകൃഷ്ണൻ , കുന്നംകുളം എ.സി.മൊയ്തീൻ ,എറണാകുളം ഷാജി ജോർജ് എന്നിവരുടെ ചിത്രവും ചിഹ്നവും എറണാകുളത്തെ വിവിധ ബസ്സാറുകളിലെ ചുമരുകളിൽ പതിച്ചിരിക്കുന്നത്.കച്ചവടക്കാരുടെ സംഘടനയായ കെ. ഡി എഫ് ഇ സംഘടനയുടെ നേതൃത്വത്തിലാണ് ഇടത്പക്ഷ മുന്നണിക്ക് മിന്നുന്ന ജയം ഉറപ്പാക്കുവാൻ പഴുതടച്ചു പ്രചാരണം നടത്തുന്നത്.കച്ചവടതിരക്കിനു ശേഷം രാത്രി സമയങ്ങളിലാണ് സംഘടന പ്രവർത്തകർ പ്രചരണത്തിന് ഇറങ്ങുന്നത്.കെഡിഎഫ് ഇ പ്രസിഡൻ്റ് രാജേഷ് രാഘവൻ കുന്നംകുളം , സെക്രട്ടറി ജെയ്മോൻ പഴഞ്ഞി , ട്രഷറർ റോയ് മോൻ വി.വി അക്കിക്കാവ് , മുത്തലീബ് അയിന്നൂർ , ജെയിസൺ ചാലിശ്ശേരി , വർഗ്ഗീസ് കല്ലുപുറം ,ജിനോ കേച്ചേരി എന്നിവരാണ് നേതൃത്വം നൽകി.