വളാഞ്ചേരി മോഷ്ടിച്ച ബൈക്കുമായി യുവാവ് പിടിയില്‍
വളാഞ്ചേരി: മോഷ്്ടിച്ച വാഹനവുമായി യുവാവിനെ വളാഞ്ചേരി പൊലീസ് അറസ്റ്റ് ചെയ്തു. പൈങ്കണ്ണൂരില്‍ അന്തര്‍ സംസ്ഥാന തൊഴിലാളികളുടെ താമസസ്ഥലത്ത് നിന്നു മോഷണം നടത്താന്‍ ശ്രമിക്കുന്നതിനിടെ കോഴിക്കോട് എലത്തൂര്‍ പാവങ്ങാട് രാരോത്ത്താഴെ ദാറുല്‍ മിന്‍ഹയില്‍ മുഹമ്മദ് സല്‍മാനെയാണ് (23) വളാഞ്ചേരി പൊലീസ് അറസ്റ്റ് ചെയ്തത്. വിശദമായി ചോദ്യം ചെയ്തതില്‍ ഇയാള്‍ സഞ്ചരിച്ച മോട്ടോര്‍ സൈക്കിള്‍ മഞ്ചേരി പയ്യനാട്ടുനിന്നു കഴിഞ്ഞ എട്ടാം തീയതി മോഷ്ടിച്ചതാണെന്ന് സമ്മതിച്ചതായി വളാഞ്ചേരി പൊലീസ് ഇന്‍സ്പെക്ടര്‍ പി.എം. ഷമീര്‍ പറഞ്ഞു. അന്വേഷണ സംഘത്തില്‍ അഡീഷണല്‍ എസ്.ഐ മുരളീകൃഷ്ണന്‍, എസ്.ഐ സിദ്ദീഖ്, എസ്.സി.പി.ഒമാരായ അല്‍താബ്, ശ്രീജ എന്നിവരുണ്ടായിരുന്നു
