സ്കൂളുകളില്‍ ഫീസ് വര്‍ധിപ്പിക്കില്ല : യുഎഇ
ദുബായ് : രാജ്യത്തെ നിരവധി സ്കൂളുകള്‍ 2021-22 അധ്യയന വര്‍ഷത്തില്‍ ഫീസ് വര്‍ധിപ്പിക്കില്ലെന്ന് തീരുമാനമെടുത്തതായി യുഎഇ അധികൃതര്‍ . കോവിഡ് മഹാമാരിയെ തുടര്‍ന്ന് നിര്‍ജീവമായ വാണിജ്യവ്യവസായ രംഗത്തെ സജീവമാക്കാന്‍ നിരവധി സാമ്ബത്തിക ഉത്തേജക പാക്കേജുകള്‍ ഭരണാധികാരികള്‍ പ്രഖ്യാപിച്ചതിന് പിന്നാലെയാണ് രാജ്യത്തെ സ്കൂളുകളും ആശ്വാസത്തിനിട നല്‍കുന്ന തീരുമാനവുമായി രംഗത്തെത്തിയത് .അബൂദബി വിദ്യാഭ്യാസ, വിജ്ഞാന വകുപ്പ് (അഡെക്) 2021-22 അധ്യയന വര്‍ഷത്തേക്കുള്ള ഫീസ് വര്‍ദ്ധിപ്പിക്കാന്‍ തലസ്ഥാനത്തെ സ്കൂളുകളെ അനുവദിക്കില്ലെന്ന് കഴിഞ്ഞ ദിവസം അറിയിച്ചിരുന്നു.
“ഞങ്ങളുടെ നിക്ഷേപകര്‍ യു.എ.ഇയുടെ സാമ്ബത്തിക, ദേശീയ അജണ്ടയുമായി ബന്ധപ്പെട്ടിരിക്കുന്നു. അതിനാല്‍, അടുത്ത അധ്യയന വര്‍ഷത്തേക്ക് ട്യൂഷന്‍ ഫീസ് മരവിപ്പിക്കാന്‍ തലീം ആഗ്രഹിക്കുന്നു. ഞങ്ങളുടെ മാതാപിതാക്കള്‍ കഴിഞ്ഞ കാലങ്ങളില്‍ അവിശ്വസനീയമായ 12 മാസം വിശ്വസ്തതയാണ് പ്രകടിപ്പിച്ചത്. അവരുടെ പിന്തുണ അവിശ്വസനീയമാണ്, അടുത്ത വര്‍ഷത്തേക്ക് ഞങ്ങളുടെ ഫീസൊന്നും വര്‍ദ്ധിപ്പിക്കാതെ അവരോടുള്ള വിശ്വസ്തത പ്രകടിപ്പിക്കാനാണ് ആഗ്രഹിക്കുന്നത് -“താലിം സിഇഒ അലന്‍ വില്യംസണ്‍ പറഞ്ഞു. എന്നാല്‍ വിദ്യാഭ്യാസ നിലവാരം പുലര്‍ത്തുന്നതിന് സേവനങ്ങളില്‍ കുറവുണ്ടാകില്ലെന്നും അദ്ദേഹം കൂട്ടിച്ചേര്‍ത്തു.
കോവിഡ് പ്രതിസന്ധി മൂലം മാതാപിതാക്കള്‍ അഭിമുഖീകരിക്കുന്ന കടുത്ത സാമ്ബത്തിക വെല്ലുവിളികളില്‍ അവരെ സഹായിക്കുകയാണ് ലക്ഷ്യമെന്നും വിവിധ വിദ്യാഭ്യാസ സ്ഥാപന മാനേജ്മെന്‍റുകള്‍ വ്യക്തമാക്കുന്നു. ഞങ്ങളുടെ സ്കൂള് അടുത്ത സാധാരണ നിലയ്ക്ക് തയ്യാറാണ്. ആവേശകരവും പുനര്‍നിര്‍വചിക്കപ്പെട്ടതും സൂപ്പര്‍ ക്രിയേറ്റീവ് പഠന അവസരങ്ങളുമുള്ള ക്യാമ്ബസ് പഠനത്തിലേക്കുള്ള തിരിച്ചുവരവാണ് വിദ്യാര്‍ത്ഥികള്‍ക്ക് പ്രതീക്ഷിക്കാന്‍ കഴിയുന്നത് -പുതിയ അധ്യയന വര്‍ഷത്തില്‍ സ്കൂള് ഫീസ് വര്‍ദ്ധിപ്പിക്കാന്‍ പദ്ധതികളൊന്നുമില്ലെന്ന് വ്യക്തമാക്കിക്കൊണ്ടു അമിറ്റി സ്കൂള് ദുബൈ പ്രിന്‍സിപ്പല്‍ സംഗിത ചിമ വ്യക്തമാക്കി .
അതെ സമയം 2023 വരെ സര്‍ക്കാര്‍ ഫീസുകളൊന്നും വര്‍ധിപ്പിക്കില്ലെന്നും പുതിയ ഫീസുകള്‍ ഏര്‍പ്പെടുത്തില്ലെന്നും ദുബായ് ഭരണകൂടം കഴിഞ്ഞ ദിവസം അറിയിച്ചിരുന്നു. കോവിഡ് വ്യാപിച്ച 2020 മാര്‍ച്ച്‌ മുതല്‍ നിരവധി ക്ഷേമപ്രവര്‍ത്തനങ്ങള്‍ നടത്തുന്നുണ്ട് സര്‍ക്കാര്‍. ഈ കാലയളവില്‍ അഞ്ച് സാമ്ബത്തീക ഉത്തേജന പാക്കേജുകള്‍ പ്രഖ്യാപിച്ചിരുന്നു. ഇതിനായി 700 കോടി ദിര്‍ഹമാണ് ദുബായ് സര്‍ക്കാര്‍ മാറ്റിവെച്ചത്.
The post സ്കൂളുകളില്‍ ഫീസ് വര്‍ധിപ്പിക്കില്ല : യുഎഇ first appeared on MalayalamExpressOnline.
