മെമു എക്സ്പ്രസായി; 15 മുതല് പുനരാരംഭിക്കും
കൊല്ലം: കോവിഡ് പശ്ചാത്തലത്തില് നിര്ത്തിവെച്ചിരുന്ന മെമു സര്വിസുകള് എക്സ്പ്രസ് ട്രെയിനുകളിലെ ടിക്കറ്റ് ചാര്ജ് ഇൗടാക്കി 15 മുതല് പുനരാരംഭിക്കും.
മിനിമം ചാര്ജ് മൂന്നിരട്ടി വര്ധിപ്പിച്ചാണ് പുതിയ സര്വിസ് തുടങ്ങുന്നത്. കൊല്ലത്തുനിന്ന് ശാസ്താംകോട്ടക്ക് 10 രൂപ ആയിരുന്നത് ഇനി 30 രൂപ നല്കണം.
സീസണ് ടിക്കറ്റും ഇല്ല. നേരത്തെ പ്ലാറ്റ് ഫോം ടിക്കറ്റ് 30 രൂപയായി വര്ധിപ്പിച്ചിരുന്നു. ഇതേപോലെ ടിക്കറ്റ് നിരക്കുകളും റെയില്വേ വര്ധിപ്പിക്കുകയാണ്. സാധാരണക്കാര്ക്ക് ആശ്രയമായിരുന്ന മെമുവിലെ ടിക്കറ്റ് നിരക്കുകള് കുത്തനെ ഉയര്ത്തിയത് പ്രതിഷേധത്തിനിടയാക്കിയിട്ടുണ്ട്.
നേരത്തെ മെമുവിനുണ്ടായിരുന്ന സ്റ്റോപ്പുകളും വെട്ടിക്കുറച്ചിട്ടുണ്ട്. മണ്റോതുരുത്ത്, കരുവാറ്റ, തകഴി, പുന്നപ്ര സ്റ്റേഷനുകള്ക്കുള്ള സ്റ്റോപ്പാണ് ഇപ്പോള് ഇല്ലാത്തത്. കൊല്ലം-ആലപ്പുഴ, ആലപ്പുഴ-എറണാകുളം, എറണാകുളം-ഷൊര്ണൂര് മെമു സര്വിസുകളാണ് ഓടിത്തുടങ്ങുക.
യാത്രക്കാര് കൂടുതലുള്ള കോട്ടയം വഴി സര്വിസ് തുടങ്ങാത്തത് പ്രതിഷേധത്തിനിടയാക്കിയിട്ടുണ്ട്്. കൊല്ലം-ആലപ്പുഴ പ്രതിദിന മെമു പുലര്െച്ച 3.30ന് കൊല്ലത്തുനിന്ന് പുറപ്പെട്ട് പുലര്ച്ച 5.45ന് ആലപ്പുഴയെത്തും (15 മുതല്).
ആലപ്പുഴ-കൊല്ലം മെമു വൈകുന്നേരം 5.20ന് ആലപ്പുഴയില്നിന്ന് പുറപ്പെട്ട് വൈകുന്നേരം 7.25ന് കൊല്ലത്തെത്തും (17 മുതല്).