അദ്ധ്യാപക അനുസ്മരണവും , യാത്രയയപ്പ് സമ്മേളനവും സംഘടിപ്പിച്ചു
അദ്ധ്യാപക അനുസ്മരണവും , യാത്രയയപ്പ് സമ്മേളനവും സംഘടിപ്പിച്ചു
എടപ്പാള്‍ : നെല്ലിശ്ശേരി എ.യു.പി.എസ്. പുനര്‍ജ്ജനി പൂര്‍വ്വ വിദ്യാര്‍ത്ഥി സംഘടന
വാര്‍ഷിക പൊതുയോഗം നടന്നു.
യോഗത്തില്‍ ,പൂര്‍വ്വ അധ്യാപികരായ പി.ജി.സരസ്വതി അമ്മ ടീച്ചര്‍, എസ്.സുധാദേവി ടീച്ചര്‍ എന്നിവര്‍ക്ക് അനുസ്മരണവും 36 വര്‍ഷത്തെ സുദീര്‍ഘമായ സേവനത്തിന് ശേഷം സ്കൂളില്‍ നിന്നും വിരമിക്കുന്ന പ്രധാനാധ്യാപകന്‍ അടാട്ട് വാസുദേവന്‍ മാസ്റ്റര്‍ക്കുള്ള യാത്രയയപ്പും യോഗത്തില്‍ വെച്ച് നടന്നു ,ജനപ്രതിനിധികളായി തിരഞ്ഞെടുക്കപ്പെട്ട പൂര്‍വ്വ വിദ്യാര്‍ത്ഥികള്‍ക്കും, മൃഗ ക്ഷേമ സംരക്ഷകനായ പൂര്‍വ്വ വിദ്യാര്‍ത്ഥി ശ്രീജേഷ് പന്താവൂരിനും സ്വീകരണവും നല്‍കി.കോവീഡ് മാനദണ്ഡങ്ങള്‍ പാലിച്ചുകൊണ്ട് നടത്തിയ യോഗം എം.ടി.ജയകൃഷ്ണന്‍റെ അദ്ധ്യക്ഷതയില്‍ പ്രശസ്ത- സാഹിത്യ സാംസ്കാരിക നായകന്‍ ശ്രീ.ആലങ്കോട് ലീലാകൃഷ്ണന്‍ ഉദ്ഘാടനം ചെയ്തു.യോഗത്തില്‍ പൂര്‍വ്വ വിദ്യാര്‍ത്ഥികളായ വട്ടംകുളം പഞ്ചായത്ത് പ്രസിഡന്‍റ് കഴുങ്കില്‍ മജീദ് , പൊന്നാനി ബ്ലോക്ക് വൈസ് പ്രസിഡന്‍റ് ഗായത്രി.ആര്‍,
പൊന്നാനി ബ്ലോക്ക് അംഗം എന്‍.ആര്‍ അനീഷ്,വട്ടംകുളം പഞ്ചായത്ത് അംഗം
ഹസൈനാര്‍ നെല്ലിശ്ശേരി എന്നിവരും ജാബി അമ്പലത്ത്, മോയ്ദു ബിന്‍ കുഞ്ഞുട്ടി,സി.വി.ഹംസത്തലി , ഫാറൂഖ് തലാപ്പില്‍ ,സി.എസ് മനോജ് മാസ്റ്റര്‍ ടി.കെ.അനില്‍കുമാര്‍ തുടങ്ങിയവര്‍ പങ്കെടുത്ത് സംസാരിച്ചു.
