വലയില് കുടുങ്ങിയ സ്രാവിന് മനുഷ്യെന്റ തല; വൈറലായി ചിത്രങ്ങള്
ഇന്തോനേഷ്യയില് മത്സ്യബന്ധന തൊഴിലാളിയുടെ വലയില് കുടുങ്ങിയ കുഞ്ഞു സ്രാവിെന്റ തലക്കു മനുഷ്യക്കുഞ്ഞിെന്റതിനോടു സാമ്യം. ഈസ്റ്റ് നൂസ ടെന്ഗര പ്രവിശ്യയിലെ റോട്ട് എന്ഡാവോക്കു സമീപത്തെ കടലില്നിന്നാണ് മനുഷ്യത്തല പോലെ തോന്നിക്കുന്ന തലയുള്ള സ്രാവിന്കുഞ്ഞ് വലയിലായത്. മത്സ്യബന്ധന തൊഴിലാളി തന്നെ പങ്കുവെച്ച ചിത്രം അതിവേഗമാണ് സമൂഹ മാധ്യമങ്ങളില് വൈറലായത്.
വലിയ സ്രാവാണ് ശരിക്കും പിടിയിലായത്. പിറ്റേന്ന് വയറു പിളര്ന്നപ്പോള് കിട്ടിയ മൂന്നു കുഞ്ഞുങ്ങളിലൊന്നിനാണ് മനുഷ്യത്തലയെന്ന് റിപ്പോര്ട്ടുകള് പറയുന്നു. മറ്റുള്ളവയുടെ മുഖത്തിന് ഈ മാറ്റം ഇല്ല.
മനുഷ്യെന്റ തലയോടു സാമ്യം കണ്ടതോടെ ഉടനെ ഇതിനെയുമെടുത്ത് വീട്ടിലേക്കോടിയ മുക്കുവന് ഫോട്ടോ സമൂഹ മാധ്യമങ്ങള് വഴി പങ്കുവെക്കുകയായിരുന്നു. ഇതാണ് വൈറലായത്. ഈ സ്രാവിന്കുഞ്ഞിനെ വാങ്ങാന് അയല്ക്കാരുള്പെടെ താല്പര്യം കാണിച്ചതായും എന്നാല് വേണ്ടെന്നു വെക്കുകയായിരുന്നുവെന്നും ഇയാള് പറഞ്ഞു.
സംഭവമറിഞ്ഞതോടെ കാഴ്ച കാണാന് എത്തുന്നവരുടെ തിരക്കാണിപ്പോള് നാട്ടില്. പലരും വാങ്ങാനും താല്പര്യം കാണിക്കുന്നുണ്ട്. എന്നാല്, ഈ സ്രാവ് തനിക്ക് ഭാഗ്യം െകാണ്ടുവരുമെന്ന വിശ്വാസത്തില് വില്ക്കാതെ കാത്തിരിക്കുകയാണ് ഇയാള്.
എന്നാല്, ജനനത്തിലെ ചെറിയ പിശകു കാരണം മുഖത്തിനു വന്ന മാറ്റങ്ങളാകാം കാഴ്ച വിരുന്നൊരുക്കിയതെന്ന് മറൈന് സംരക്ഷണ ബയോളജിസ്റ്റും അരിസോണ സ്റ്റേറ്റ് യുനിവേഴ്സിറ്റി പോസ്റ്റ്ഡോക്ടറല് ഗവേഷകനുമായ ഡോ. ഡേവിഡ് ഷിഷ്മാന് പറഞ്ഞു.