കെ.എസ്.ഇ.ബിയുടെ സേവനം വാതിൽപ്പടി പദ്ധതി ഉദ്ഘാടനം ചെയ്തു.
കെ.എസ്.ഇ.ബിയുടെ
സേവനം വാതിൽപ്പടി
പദ്ധതി ഉദ്ഘാടനം ചെയ്തു.
ചങ്ങരംകുളം: കേരള സ്റ്റേറ്റ് ഇലക്ട്രിസിറ്റി ബോർഡിൻ്റെ നേതൃത്വത്തിൽ സേവനം വാതിൽപ്പടിയിൽ , ഫിലമെൻറ് രഹിത കേരളം പദ്ധതി എന്നിവക്ക് ചാലിശ്ശേരി സെക്ഷനിൽ തുടക്കമായി.
വീട്ടിലിരുന്നു ഫോൺ വിളിച്ചോ , വാട്സ്ആപ്പ് സന്ദേശത്തിലൂടെയോ കെഎസ്ഇബിയുടെ സേവനം ലഭ്യമാക്കുന്ന പദ്ധതിയുടെ ചാലിശ്ശേരി സെക്ഷന്റെ ഉദ്ഘാടനം തൃത്താല ബ്ലോക്ക് പഞ്ചായത്ത് വൈസ് പ്രസിഡൻറ് പി ആർ കുഞ്ഞുണ്ണിയും
ഫിലമെൻറ് രഹിത കേരളം പദ്ധതിയുടെ ഉദ്ഘാടനം പഞ്ചായത്തിലെ അംഗൻവാടികൾക്ക് എൽഇഡി ബൾബുകൾ വിതരണം പഞ്ചായത്ത് പ്രസിഡൻറ് എ വി സന്ധ്യയും നിർവഹിച്ചു.
ചാലിശ്ശേരി പഞ്ചായത്ത് കമ്മ്യൂണിറ്റി ഹാളിൽ നടന്ന ചടങ്ങിൽ പട്ടാമ്പി ഇലക്ട്രിക്കൽ ഡിവിഷൻ എക്സിക്യൂട്ടീവ് എഞ്ചിനീയർ ഇ പി ഷാഹുൽ അധ്യക്ഷനായി.
പഞ്ചായത്ത് വൈസ് പ്രസിഡൻറ് ഷാഹിദ, മെമ്പർമാരായ വി.എസ് ശിവാസ് , ഹുസൈൻ പുളിഞ്ഞാലിൽ , ആനി വിനു ,
കെഎസ്ഇബി തൃത്താല ഡിവിഷൻ എക്സിക്യൂട്ടീവ് എഞ്ചിനീയർ സി ശിവൻ ,ചാലിശ്ശേരി സെക്ഷൻ എ.ഇ. സോന കെ. എ എന്നിവർ സംസാരിച്ചു.