ആന്ധ്രപ്രദേശില് നിന്നും കേരളത്തിലേക്ക് കഞ്ചാവ് കടത്തിയ കേസിലെ മുഖ്യപ്രതി പാലക്കാട് സ്വദേശി അറസ്റ്റില്
ആന്ധ്രപ്രദേശില് നിന്നും കേരളത്തിലേക്ക് കഞ്ചാവ് കടത്തിയ കേസിലെ മുഖ്യപ്രതി അറസ്റ്റില്. പാലക്കാട് ചോക്കാട് ചാലുവരമ്ബ് സ്വദേശി ഷറഫുദ്ദീന്(39)ആണ് എറണാകുളം റൂറല് പോലീസിന്റെ പിടിയിലായത്. വിശാഖപ്പട്ടണത്തിലെ ഒരു ഗ്രാമത്തില് നിന്നാണ് ഇയാളെ അന്വേഷണസംഘം അറസ്റ്റ് ചെയ്തത്. ആന്ധ്രയിലെ നക്സല് ബാധിത മേഖലയില് നിന്നാണ് ഇയാള് വന്തോതില് കഞ്ചാവ് കേരളത്തിലേക്ക് കടത്തിയിരുന്നത്.കഴിഞ്ഞ നവംബറില് വിശാഖപ്പട്ടണത്തിലെ ഗ്രാമത്തില് നിന്നും എറണാകുളം റൂറല് ജില്ലാ പോലീസ് മേധാവി കെ.കാര്ത്തിക്കിന്റെ നേതൃത്വത്തില് 150 കിലോ കഞ്ചാവ് പിടികൂടിയിരുന്നു. തുടര്ന്ന് നടത്തിയ അന്വേഷണത്തിലാണ് ഇയാളെ പിടികൂടിയത്.