മാരക ലഹരിമരുന്നുമായി യുവാക്കള് കൊച്ചിയില് പിടിയില് . പിടിയിലായത് പൊന്നാനി വെളിയംകോട് സ്വദേശികള്
കൊച്ചി: വില്പനക്കായി കൊണ്ടു വന്ന മാരക ലഹരിമരുന്നുമായി രണ്ടുയുവാക്കള് പിടിയില്. മലപ്പുറം പൊന്നാനി വെളിയങ്കോട് പുതുവളപ്പില് വീട്ടില് പി.കെ. അജ്മല് (21), പൊന്നാനി കറുത്ത കുഞ്ഞാലിന്റെ വീട്ടില് അനസ് (25) എന്നിവരാണ് ഇടപ്പള്ളി ഭാഗത്തുനിന്ന് പിടിയിലായത്. ഇവരില്നിന്ന് 10 ഗ്രാം മെത്തലിന് ഡയോക്സി മെത്താഫിറ്റമിന് (എം.ഡി.എം.എ) കണ്ടെടുത്തു.ചാവക്കാടുള്ള മയക്കുമരുന്ന് മാഫിയ തലവനില്നിന്നാണ് ഇവര്ക്ക് ലഹരിമരുന്ന് ലഭിക്കുന്നതെന്നു പോലീസ് അറിയിച്ചു. അസി. കമീഷണ് കെ.എ. അബ്ദുസ്സലാം, പാലാരിവട്ടം സി.ഐ. അനീഷ്, ഡാന്സാഫ് എസ്.ഐ ജോസഫ് സാജന്, എളമക്കര എസ്.ഐ സി.കെ. രാജു, എ.എസ്.ഐ ഫൈസല് എന്നിവര് ചേര്ന്നാണ് പ്രതികളെ അറസ്റ്റ് ചെയ്തത്.