Malappuram
ലോറി നന്നാക്കുന്നതിനിടെ സ്റ്റാര്‍ട്ടായി മുന്നോട്ടു നീങ്ങി; തെങ്ങിനിടയില്‍ കുരുങ്ങി യുവാവിന് ദാരുണാന്ത്യം
തിരുനാവായ: ലോറിയിലെ ഇലക്ട്രിക്ക് ജോലി ചെയ്യുന്നതിനിടെ യുവാവിന് ദാരുണാന്ത്യം. തിരുനാവായയിലെ പെട്രോള്‍ പമ്പിന് സമീപത്തെ ഇലക്ട്രിക് വര്‍ക്ക്ഷോപ്പിലെ ജീവനക്കാരനാണ് ലോറിക്കും തെങ്ങിനുമിടയില്‍ കുടുങ്ങി മരിച്ചത്. പുറത്തൂര്‍ എടക്കനാട് പുളിയക്കാവില്‍ പ്രകാശന്റെ മകന്‍ ആകാശ്(18) ആണ് മരിച്ചത്. ലോറി നന്നാക്കുന്നതിനിടയില്‍ അബദ്ധത്തില്‍ സ്റ്റാര്‍ട്ടായി മുന്നോട്ട് നീങ്ങുകയും ആകാശ് അപകടത്തില്‍പ്പെടുകയുമായിരുന്നു.
ഒരാഴ്ച മുമ്പാണ് ജോലിക്കെത്തിയത്. അപകടം നടന്ന ഉടനെ കൊടക്കല്‍ മിഷന്‍ ആശുപത്രിയില്‍ എത്തിച്ചെങ്കിലും കോട്ടക്കലിലെ സ്വകാര്യ ആശുപത്രിയിലേക്ക് മാറ്റി. ആശുപത്രി മൊര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം കോവിഡ് പരിശോധനക്ക് ശേഷം തിരൂര്‍ ജില്ല ആശുപത്രിയില്‍ പോസ്റ്റ്മോര്‍ട്ടം നടത്തി ബന്ധുക്കള്‍ക്ക് വിട്ട് നല്‍കും
