നടി അനുശ്രീയ്ക്കെതിരെ ഒരു കോടി രൂപ നഷ്ടപരിഹാരമാവശ്യപ്പെട്ട് ദേവസ്വം
ഗുരുവായൂര് ക്ഷേത്രപരിസരത്ത് പരസ്യ ചിത്രീകരണം നടത്തി ഭരണസമിതിയെ വഞ്ചിച്ച് അന്യായമായ ലാഭമുണ്ടാക്കിയെന്ന പേരില് വക്കീല് നോട്ടീസ് അയക്കുമെന്ന വാദവുമായി രംഗത്തെത്തിയിരിക്കുകയാണ് ദേവസ്വം. ഹിന്ദുസ്ഥാന് യൂനിലിവര് കമ്ബനി, നടി അനുശ്രീ, പരസ്യ കമ്ബനിയായ സിക്സ്ത് സെന്സിന്റെ ഉദ്യോഗസ്ഥന് ശുഭം ദുബെ എന്നിവരില്നിന്ന് ഒരുകോടി രൂപ നഷ്ടപരിഹാരം ആവശ്യപ്പെട്ട് വക്കീല് നോട്ടീസ് അയക്കുമെന്നാണ് ദേവസ്വം അറിയിച്ചിരിക്കുന്നത്. അതേസമയം പല കാര്യങ്ങള്ക്കും ദേശീയതയ്ക്കൊപ്പം നില്ക്കുന്ന ഒരു താരമാണ് അനുശ്രീ. അതുകൊണ്ട് തന്നെ ഇടതുപക്ഷക്കാര് മാത്രമുളള ഗുരുവായൂര് ക്ഷേത്രസമിതി താരത്തിനെതിരെ പ്രതികാര നടപടി സ്വീകരിച്ചതാണെന്നും ആരോപണമുണ്ട്.
എന്നാല് ഇവരുടെ പക്കലുള്ള ഇലക്ട്രോണിക് രേഖകള് തിരിച്ചുകിട്ടാനും ചിത്രീകരിച്ച പരസ്യം പ്രസിദ്ധപ്പെടുത്തുന്നത് തടയാനുമാണ് കോടതിയെ സമീപിക്കാന് ഭരണസമിതി തീരുമാനിച്ചതെന്നാണ് ദേവസ്വത്തിന്റെ വാദം. അതേസമയം ക്ഷേത്രത്തിലും പരിസരത്തും സൗജന്യമായി സാനിറ്റൈസേഷന് നടത്താനെന്ന വ്യാജേന അപേക്ഷ നല്കി ദേവസ്വത്തെ വഞ്ചിച്ച് കച്ചവടലക്ഷ്യത്തോടെ പരസ്യ ചിത്രീകരണം നടത്തുകയായിരുന്നുവെന്നും ദേവസ്വം വാര്ത്താക്കുറിപ്പില് പറഞ്ഞു.